មន្ទីរពេទ្យកុមារដ៏សំខាន់មួយនៅក្នុងរដ្ឋធានីគីវ របស់អ៊ុយក្រែន បានបន្តដំណើរការឡើងវិញដោយផ្នែក រយៈពេលមួយសប្តាហ៍បន្ទាប់ពីរងការបំផ្លាញធ្ងន់ធ្ងរក្នុងការវាយប្រហារដោយមីស៊ីលរបស់រុស្ស៊ី។ 

រូបថតរបស់ក្រុមវេជ្ជបណ្ឌិត និងជនរងគ្រោះផ្សេងទៀត ត្រូវបានដាក់តាំងបង្ហាញនៅកន្លែងដែលមីស៊ីលបានវាយប្រហារ។

ការងារ កំពុងបន្តសាងសង់អគារឡើងវិញ ដោយឧបករណ៍ធុនធ្ងន់ត្រូវបានប្រើប្រាស់ដើម្បីសម្អាតកម្ទេចកម្ទីនៅក្នុងមន្ទីរពេទ្យ។

បុរសម្នាក់បាននិយាយថា លោកបាននាំកូនស្រីអាយុ ៥ ឆ្នាំទៅមន្ទីរពេទ្យ មួយថ្ងៃមុនការវាយប្រហារ។ លោកនិយាយថា លោកមិនដឹងថាច្បាប់នៃសង្គ្រាមគឺជាអ្វីទេ ប្រសិនបើមានការវាយប្រហារលើមន្ទីរពេទ្យកុមារ ជាកន្លែងដែលកុមារត្រូវបានគេជួយសង្គ្រោះនិងផ្តល់ជីវិត។

ម្តាយរបស់ក្មេងស្រីម្នាក់ បាននិយាយថា ក្នុងនាមជាឪពុកម្តាយ នាងបានឃើញការវាយប្រហារដ៏គួរឱ្យភ័យខ្លាច។

ប្រធានាធិបតីអ៊ុយក្រែន លោក Volodymyr Zelenskyy បានបញ្ជាក់កាលពីថ្ងៃទី ៩ ខែកក្កដា ថា មូលនិធិប្រហែល៩,៦លានដុល្លារនឹងត្រូវបានបម្រុងទុកសម្រាប់សាងសង់មន្ទីរពេទ្យឡើងវិញ។