នាយកដ្ឋានឧតុនិយមរបស់ប្រទេសប៉ាគីស្ថាន (PMD) បានព្យាករណ៍ កាលពីថ្ងៃចន្ទថា ទីក្រុងកំពង់ផែ Karachi ភាគខាងត្បូងរបស់ប្រទេសនេះ អាចប្រឈមទៅនឹងការកើនឡើងសីតុណ្ហភាព ក្នុងអំឡុងពេលពីរថ្ងៃបន្ទាប់នេះ។ 

នាយកដ្ឋានឧតុនិយម បាននិយាយនៅក្នុងសេចក្តីថ្លែងការណ៍ថា អាំងតង់ស៊ីតេកម្តៅនៅក្នុងទីក្រុងទំនងជានឹងកើនឡើងជាមួយនឹងលក្ខខណ្ឌក្តៅហើយសើម ដែលគ្របដណ្តប់ក្នុងរយៈពេល២៤ម៉ោងក្រោយ។

យោងតាមនាយកដ្ឋានឧតុនិយមរបស់ប្រទេសប៉ាគីស្ថានបានឲ្យដឹងថា សីតុណ្ហភាពអប្បបរមា ដែលបានកត់ត្រានៅក្នុងទីក្រុង កាលពីថ្ងៃច័ន្ទមានកម្រិត ៣០,៤ អង្សាសេ ខណៈសីតុណ្ហភាពអតិបរមា ត្រូវបានព្យាករណ៍ថានឹងហក់ឡើងដល់៣៨អង្សាសេ ក្នុងរយៈពេលពីរថ្ងៃបន្ទាប់នេះ ជាមួយនឹងកម្រិតសំណើម ៧៣ ភាគរយ។

នាយកដ្ឋាន បានសន្មតថាការកើនឡើងនៃអាំងតង់ស៊ីតេកម្តៅ ទៅនឹងប្រព័ន្ធសម្ពាធទាប អាចនាំឱ្យមានសីតុណ្ហភាពកើនឡើងបន្ថែមទៀត។