ក្រុមហ៊ុនផលិតក្នុងស្រុកឥណ្ឌា Competence Exports Private Limited នៅរដ្ឋភាគខាងកើត Bihar បានក្លាយជាក្រុមហ៊ុននាំចេញស្បែកជើងដំបូងគេ សម្រាប់ទាហានរុស្ស៊ី ស្របពេលសង្រ្គាមកើតឡើងនៅប្រទេសអ៊ុយក្រែន ។

លោក Shib Kumar Roy គឺជាអ្នកគ្រប់គ្រងទូទៅនៅរោងចក្ររបស់ក្រុមហ៊ុន ស្ថិតក្នុងទីក្រុង Hajipur និយាយថា ពួកយើងផលិតស្បែកជើងទាំងនេះ ដែលជាស្បែកជើងមានទម្ងន់ស្រាល មិនរអិល ហើយអាចទប់ទល់នឹងស្ថានភាពអាកាសធាតុអាក្រក់បានទៀតផង ។

លោកបន្តថា ខ្សែសង្វាក់ផលិតកម្មទាំងមូលរបស់រោងចក្រ ផ្តល់ស្បែកជើងដែលត្រូវការសម្រាប់ទាហានរុស្ស៊ី ហើយបច្ចុប្បន្នពួកគេចង់ពង្រីកទីផ្សារទៅកាន់អឺរ៉ុបបន្ថែមទៀត ។

ក្រុមកម្មករនៅក្នុងរោងចក្រដែលភាគច្រើនគឺជានារីនោះ ឃើញពួកគេកាត់ស្បែកជើង បិទកាវ មុនពេលវិចខ្ចប់ ។

កាលពីសប្តាហ៍មុន នាយករដ្ឋមន្រ្តិឥណ្ឌាលោក Modi បានបំពេញទស្សនកិច្ចទៅកាន់រុស្ស៊ី អំឡុងដំណើរទស្សនកិច្ចផ្លូវរដ្ឋរបស់លោក ជាទីដែលលោកបាននិយាយប្រាប់ប្រធានាធិបតីរុស្ស៊ីលោក Putinថា ការស្លាប់របស់កុមការគ្មានកំហុសនៅក្នុងសង្រ្គាម នៅក្នុងជម្លោះ ឬការវាយប្រហារភេរវកម្ម គឺជារឿងឈឺចាប់ខ្លាំងណាស់ ៕