ទីក្រុងនៅអឺរ៉ុបកណ្តាល និងខាងកើតបានស៊ូទ្រាំនឹងកម្ដៅដ៏ក្តៅកាលពីថ្ងៃអង្គារ ទី ១៦ ខែកក្កដា ទន្ទឹមនឹងសីតុណ្ហភាពហក់ឡើងដល់៣២,៣អង្សាសេ ក្នុងទីក្រុងវ៉ាសូវី ប្រទេសប៉ូឡូញ ។

មនុស្សចាស់ស្ថិតក្នុងចំណោមអ្នកដែលរងគ្រោះខ្លាំងបំផុតពីកម្ដៅក្នុងរដ្ឋធានីប៉ូឡូញ ជាក់ស្ដែងដូចជា សោធននិវត្តន៍ លោកយាយ Teresa អាយុ ៨២ ឆ្នាំ បាននិយាយថា គាត់តែងតែប្រើកូនស្រីរបស់គាត់ទៅផ្សារជំនួស ព្រោះគាត់មិនចេញពីផ្ទះដោយគ្មានឆ័ត្របានទេ។

នៅប្រទេសកូសូវ៉ូ កម្មករនៅក្នុងចម្ការម្រេចកំពុងធ្វើការទាំងថ្ងៃក្ដៅខ្លាំង ហើយគ្មានជម្រើសក្រៅរពីទទូរកន្សែងដើម្បីការពារពីកម្ដៅ និងទទួលទានទឹកឲ្យបានច្រើននោះទេ។ កម្មករ ម្នាក់ បាននិយាយថា ដោយសារតែក្ដៅខ្លាំងពេក យើងមិនឃ្លានអ្វីទេ។

នៅប្រទេសរូម៉ានី សីតុណ្ហភាពត្រូវគេរំពឹងថានឹងហក់ឡើងលើសពី៤២ អង្សាសេ នៅក្នុងទីក្រុង           ប៊ូឆារ៉េស(Bucharest) ខណៈក្រុមអាជ្ញាធរចេញការព្រមានពីអាកាសធាតុពណ៌ក្រហមសម្រាប់ប្រទេសភាគច្រើន នៅតំបន់អឺរ៉ុបភាគកណ្ដាល និងខាងកើត។

សីតុណ្ហភាពបានឡើងដល់ ៣៦ អង្សាសេ នៅក្នុងរដ្ឋធានី ព្រីសទីណា (Pristina) ប្រទេសកូសូវ៉ូ កាលពីថ្ងៃអង្គារសប្ដាហ៍នេះ ។ រលកកម្ដៅត្រូវបានគេរំពឹងថានឹងបន្តរហូតដល់ថ្ងៃពុធ ១៧ ខែកក្កដានេះ នៅតំបន់បាល់កង់៕