ក្រសួងការពារជាតិ បាននិយាយកាលពីថ្ងៃអង្គារ ទី១៦ ខែកក្កដា ថា រដ្ឋាភិបាលរបស់ប្រទេសកូឡុំប៊ីបានបញ្ចប់បទឈប់បាញ់ជាមួយក្រុមឧទ្ទាម EMC មួយចំនួន ដឹកនាំដោយមេបញ្ជាការ លោក Ivan Mordisco ដែលបានបដិសេធការចរចាសន្តិភាព។

ក្រុម Estado Mayor Central (EMC) ត្រូវបានបង្កើតឡើង ដោយអតីតយុទ្ធជនបដិវត្តន៍នៃកងកម្លាំងប្រដាប់អាវុធបដិវត្តន៍កូឡុំប៊ី (FARC) ដែលបានច្រានចោលកិច្ចព្រមព្រៀងសន្តិភាពឆ្នាំ ២០១៦ ជាមួយរដ្ឋ។

កាលពីខែមីនា រដ្ឋាភិបាល បានផ្អាកបទឈប់បាញ់ជាមួយក្រុម EMC នៅក្នុងខេត្តមួយចំនួន ដោយសារតែអំពើហិង្សានៅតែបន្ត។

ចំណាត់ការនេះ បានបង្កឱ្យមានការទាមទារដោយអង្គភាពភាគច្រើននៅក្នុងក្រុម EMC ឱ្យស្តារបទឈប់បាញ់ឡើងវិញ ដែលនៅទីបំផុតបានធ្វើឱ្យមានការបែងចែកផ្ទៃក្នុង និងបានមើលឃើញមានការដកខ្លួនចេញភាគីជាច្រើន ពីកិច្ចចរចា។

លោក Ivan Mordisco គឺជាមេបញ្ជាការដែលមានការព្រួយបារម្ភច្រើន នៅក្នុងកងកម្លាំងប្រដាប់អាវុធបដិវត្តន៍កូឡុំប៊ី (FARC) មុនពេលលោកចាប់ផ្តើមដឹកនាំក្រុមឧទ្ទាមប្រឆាំង។

ប្រធានាធិបតី លោក Gustavo Petro បានសន្យាថា នឹងបញ្ចប់ជម្លោះរយៈពេល៦០ឆ្នាំរបស់ប្រទេសកូឡុំប៊ី ដែលបានសម្លាប់មនុស្សចំនួន៤៥០.០០០នាក់ រហូតដល់មានកិច្ចព្រមព្រៀងសន្តិភាពថ្មី ប៉ុន្តែលោកកំពុងប្រឈមមុខទៅនឹងឧបសគ្គធំៗ រួមមានទាំងការចរចាពេញលេញជាមួយក្រុម EMC ដែលបានចាប់ផ្តើម កាលពីខែតុលា ឆ្នាំមុន។