ក្រសួងការពារជាតិទួរគី បាននិយាយកាលពីថ្ងៃអង្គារថា ទួរគី «បានសម្លាប់» «ភេរវករ» ចំនួន ៧នាក់ នៅប្រទេសស៊ីរីភាគខាងជើង និងអ៊ីរ៉ាក់។

ក្រសួងបាននិយាយនៅលើវេទិកាប្រព័ន្ធផ្សព្វផ្សាយសង្គម X ថា កងកម្លាំងប្រដាប់អាវុធទួរគី «បានបន្សាប »សមាជិក ៤នាក់នៃគណបក្សពលករឃើដ (PKK) និងអង្គភាពការពារប្រជាជនឃើដស៊ីរី (YPG) នៅក្នុងតំបន់យូហ្វ្រេតទីស សៀល ( Euphrates Shield) នៅភាគខាងជើងប្រទេសស៊ីរី និង ភេរវករ PKK ចំនួនបីនាក់ នៅក្នុងតំបន់ Hakurk ភាគខាងជើងប្រទេសអ៊ីរ៉ាក់។

ចាប់តាំងពីឆ្នាំ ២០១៦ ប្រទេសទួរគី បានផ្តួចផ្តើមប្រតិបត្តិការយោធាជាច្រើន នៅភាគខាងជើងប្រទេស   ស៊ីរី ក្នុងគោលបំណងបង្កើតតំបន់គ្មានអង្គភាពការពារប្រជាជនឃើដស៊ីរី(YPG) នៅតាមបណ្តោយព្រំ   ដែន។ នៅឆ្នាំ ២០២២ ប្រទេសទួរគី បានចាប់ផ្តើមប្រតិបត្តិការ Claw-Lock នៅភាគខាងជើងប្រទេសអ៊ី  រ៉ាក់ ដើម្បីកំណត់គោលដៅកន្លែងលាក់ខ្លួនរបស់សមាជិក PKK នៅក្នុងតំបន់ Metina, Zap និង Avasin-Basyan។

គណបក្សពលករឃើដ (PKK) PKK ដែលត្រូវបានចុះបញ្ជីជាអង្គការភេរវកម្ម ដោយប្រទេសទួរគី សហរដ្ឋអាមេរិក និងសហភាពអឺរ៉ុប បានបះបោរប្រឆាំងនឹងរដ្ឋាភិបាលទួរគី អស់រយៈពេលជាងបីទសវត្សរ៍មក ហើយ។

អាជ្ញាធរ ទួរគីជឿថា អង្គភាពការពារប្រជាជនឃើដស៊ីរី(YPG)ក៏ជាអង្គការភេរវកម្មផងដែរ ដែលជាសាខារបស់ PKK នៅក្នុងប្រទេសស៊ីរី។