ឧត្តរមានជ័យ ៖ អភិបាលខេត្តឧត្តរមានជ័យ បានអំពាវនាវដល់ឲ្យប្រជាពលរដ្ឋ និងបងប្អូនពលករដែលបានបញ្ចប់ការធ្វើចត្តាឡីស័ក រួមទាំងគ្រឹះស្ថានឯកជននានា ដែលកំពុងបំពេញការងារ ក្នុងភូមិសាស្រ្តខេត្តឧត្តរមានជ័យទាំងអស់ ដែលនៅសេសសល់ពុំទាន់បានមកទទួលការចាក់វ៉ាក់សាំងការពារជំងឺកូវីដ-១៩កន្លងមកនោះ ត្រូវមកទទួលការចាក់វ៉ាក់សាំងដូសទី១ ឲ្យបានគ្រប់ៗគ្នា នៅថ្ងៃទី៣០សីហារហូតដល់ថ្ងៃទី១៣ ខែកញ្ញា ឆ្នាំ២០២១នេះ។

ឯកឧត្តម ប៉ែន កុសល្យ អភិបាលនៃគណៈអភិបាលខេត្តឧត្តរមានជ័យ នឹងជា​អនុប្រធាន​គណៈកម្មការចំពោះកិច្ចចាក់វ៉ាក់សាំងកូវីដ-១៩ បាន​បន្ថែមទៀតថា គប្បី​បងប្អូនប្រជាពលរដ្ឋ​ដែល​ពុំទាន់​បានការទទួលចាក់វ៉ាក់សាំងនោះ ​ត្រូវ​ប្រញាប់​រួសរាន់​មកទទួលចាក់​ឲ្យបានគ្រប់ៗគ្នា ​ដោយការស្ម័ក្រចិត្ត ដោយមិនមានការ​បង្ខិតបង្ខំ​នោះឡើយ​ ដើម្បីការពារខ្លួនរបស់​បងប្អូន​ទប់ស្កាត់​ពី​ការឆ្លងជំងឺកូវីដ-១៩។

តាមគោលដៅមូលដ្ឋានឃុំសង្កាត់របស់ខ្លួន​ដែលអាជ្ញាធរបានរៀបចំ​រួមមាន​ ក្មេងចាប់ពីអាយុ១២ ឆ្នាំដល់ ១៧ឆ្នាំ រួមទាំងមនុស្សពេញវ័យផងដែរ។

យ៉ាងណាម៉ិញឯកឧត្តម បានបញ្ជាក់ថា ការដែលបងប្អូន​ប្រជាពលរដ្ឋ​ទាំងអស់​បាន​ទទួលការ​ចាក់វ៉ាក់សាំង​ដើម្បីការពារខ្លួនគ្រប់ចំនួនបានគ្រប់ៗគ្នារួចហើយនោះ គឺវា​អាច​បង្កើន​នូវ​កោសិកា​ភាពស៊ាំក្នុង​សរីរាង្គ​របស់បងប្អូន ដើម្បីកាត់ផ្តាច់បាននូវការចម្លង​ពីវិរុសជំងឺកូវីដ-១៩នេះ​ ធ្វើឲ្យមាន​ការ​ថយចុះ​ច្រើន​នឹងមិនមានការឆ្លងបន្តទៀត ក្នុងសហគមន៍បាន។

បញ្ហាទាំងអស់នេះ គឺជាការយកចិត្តទុកដាក់​គិតគូរ​ខ្ពស់​ពី​សម្តេចតេជោ ប្រមុខរាជរដ្ឋាភិបាលកម្ពុជា​ដែលបាន​គិត​​នឹង​បារម្មណ៍​ពី​សុខភាពរបស់បងប្អូនប្រជាពលរដ្ឋខ្មែរ​គ្រប់រូប​ ដើម្បីឲ្យជៀសផុត​ពី​ការឆ្លងរាលដាលជំងឺកូវីដ-១៩ ដែល​ជាបញ្ហាមួយកំពុងតែប្រឈមខ្លាំងលើសកលលោកនេះ ៕ អត្ថបទ ៖ ឃិនសារិទ្ធ