យោងតាមស្ថាប័នស្ទង់មតិឯករាជ្យ Pulse Asia បានឲ្យដឹងថា កម្រិតគាំទ្រ និងមានទំនុកចិត្ត ចំពោះប្រធានាធិបតីហ្វីលីពីន លោក Ferdinand Marcos Jr បានធ្លាក់ចុះបន្តិច ខណៈដែលរូបលោកឈានចូលដល់រយៈពេលនៃការកាន់តំណែងឆ្នាំទី៣។

កម្រិតគាំទ្រ និងមានទំនុកចិត្តរបស់លោក នៅក្នុងការស្ទង់មតិដែលត្រូវបានធ្វើឡើង ចាប់ពីថ្ងៃទី១៧ ដល់ថ្ងៃទី២៤ ខែមិថុនា មាន ២ភាគរយ ពោលគឺទាបជាងកម្រិត ៥៣ភាគរយ និង ៥ភាគរយ ទាបជាងកម្រិត ៥២ភាគរយ ជាកម្រិតពិន្ទុដែលលោកទទួលបាននៅក្នុងការស្ទង់មតិ កាលពីខែមីនា។ ស្ថាប័ននេះបានប្រៀបធៀបកម្រិតនេះជាមួយនឹងកម្រិតគាំទ្រ និងមានទំនុកចិត្ត ចំពោះអនុប្រធានាធិបតី លោកស្រី Sara Duterte ដែលបានកើនឡើង ២ពិន្ទុ ដោយឡើងដល់ ៦៩ភាគរយ ពីខែមីនា។

ការស្ទង់មតិលើអ្នកឆ្លើយសំណួរចំនួន ២.៤០០នាក់នេះ គឺជាលើកដំបូងហើយ គិតចាប់តាំងពីសម្ព័ន្ធភាពនយោបាយរបស់លោក Marcos និងលោកស្រី Sara Duterte ពោលគឺការចងសម្ព័ន្ធភាពដែលនាំឲ្យពួកគេឡើងកាន់អំណាច ក្នុងឆ្នាំ២០២២ បានដួលរលំ បន្ទាប់ពីលោកស្រី បានលាលែងពីគណៈរដ្ឋមន្ត្រី និងមុខតំណែងសំខាន់មួយទៀត កាលពីថ្ងៃទី១៩ ខែមិថុនា។

តែយ៉ាងណាក្ដី លោកស្រី Sara Duterte ដែលជាកូនស្រីរបស់អ្នកកាន់តំណែងមុនរបស់លោក Marcos គឺលោក Rodrigo Duterte នៅតែជាអនុប្រធានាធិបតីដដែល៕