​អាមេរិក៖ មន្ត្រី​បាន​និយាយ​កាលពី​យប់​ថ្ងៃអាទិត្យ​ថា​ មនុស្សម្នា​ក់​បាន​ស្លាប់​ដោយសារ​ព្យុះសង្ឃរា Ida ដែល​បាន​បោកបក់​នៅ​តាម​បណ្ដោយ​​ឈូង​សមុទ្រ​នៃ​រដ្ឋ Louisiana។

​ការិយាល័យ Ascension Parish Sheriff បាន​និយាយ​ថា​ ខ្លួន​បាន​ទទួល​របាយការណ៍​ភ្លាមៗបន្ទាប់ពី​ម៉ោង ៨ និង ៣០នាទី​យប់​ថា​ មាន​មនុស្សម្នា​ក់​បាន​រង​របួស​ដោយសារ​ដើមឈើ​ដួល​រលំ​នៅ​តំបន់ Prairieville រដ្ឋ Louisiana ប្រហែល ១៨​នាទី​ភាគ​អាគ្នេយ៍​នៃ​ទីក្រុង Baton Rouge។ ការិយាល័យ​នេះបាន​និយាយ​នៅ​ក្នុង​សេចក្ដីថ្លែងការណ៍​មួយ​នៅ​លើ​បណ្ដាញ Facebook ថា ​ក្រុម​អាជ្ញាធរ​បាន​មក​ដល់​ ហើយ​បញ្ជាក់​ពី​ការ​ស្លាប់​របស់​ជនរងគ្រោះ​។​ វា​ជា​ការ​ស្លាប់​ដំបូង​ដែល​បាន​រាយការណ៍​ដោយសារ​ព្យុះ​នេះ​។​ ​មជ្ឈមណ្ឌល​ព្យុះសង្ឃរា​ជាតិ​បាន​និយាយ​ថា ​ព្យុះ​ Ida ​បាន​បោកបក់​ដល់​ដីគោក​កាលពី​ថ្ងៃអាទិត្យ ដែល​ខួប​គម្រប់ ១៦​ឆ្នាំ​នៃ​ព្យុះសង្ឃរា Katrina ​ជា​ព្យុះសង្ឃរា​ប្រភេទ​ទី៤ ដ៏​គ្រោះថ្នាក់​ដែល​មាន​ខ្យល់​បក់ ១៥០ម៉ា​យ​ក្នុង​មួយ​ម៉ោង​។

គិត​ត្រឹម​ម៉ោង ១០​យប់​ព្យុះ Ida គឺជា​ប្រភេទ​ព្យុះ​ទី​២ ដែល​មាន​កម្លាំង​ខ្យល់​បក់​បោក ១១០​ម៉ា​យ​ក្នុង​មួយ​ម៉ោង ហើយ​ចំណុចកណ្ដាល​របស់​ព្យុះ​មាន​ចម្ងាយ​ប្រហែល ២៥​ម៉ា​យល៍​ភាគ​ខាងលិច​​នៃ​ទីក្រុង​ New Orleans។ វា​កំពុង​បោះ​ពួយ​ទៅ​ភាគ​ពាយព្យ​ក្នុង​ល្បឿន​ប្រហែល ១០​ម៉ា​យ​ក្នុង​មួយ​ម៉ោង​។ ប្រជាពលរដ្ឋ​ជាង ៩៦៨.០០០​នាក់​នៅ​រដ្ឋ Louisiana និងរដ្ឋ Mississippi គ្មាន​ថាមពល​អគ្គិសនី​ប្រើប្រាស់​៕

អត្ថបទ៖ សុខមាន