ភ្នំពេញ ៖ កម្ពុជាត្រូវតែពង្រឹងនិងពង្រីកការចរាចរណ៍ប្រាក់រៀលបន្ថែម ដើម្បីជំរុញការប្រើប្រាស់បានកាន់តែទូលាយ ខណៈរូបិយវត្ថុដុល្លារ ស្ថិតក្នុងអត្រាការប្រាក់ខ្ពស់ លើសអត្រាប្រាក់គោលរបស់ខ្លួន ដែលនឹងធ្វើឲ្យសម្ពាធលំហូរមូលធនចូលកម្ពុជា ស្ថិតក្នុងកម្រិតទាបជាង មុន។ 

​ធនាគារជាតិនៃកម្ពុជា បង្ហាញរបាយការណ៍លទ្ធផលសំខាន់ៗនៃការអនុវត្តការងារក្នុងឆមាសទី១ ឆ្នាំ ២០២៤ ដោយក្នុងនោះ

ទោះបីមានបញ្ហាប្រឈមជាច្រើន ក៏សេដ្ឋកិច្ចពិភពលោកបង្ហាញពីភាពធន់ អាចរក្សាបានកំណើនកម្រិតទាបក្នុងរង្វង់ ៣,២ ភាគរយ ប្រហាក់ប្រហែលរយៈពេលដូចគ្នាឆ្នាំ ២០២៣ ដែលវិបត្តិទាំងនេះ កើតចេញពីបញ្ហាភូមិសាស្រ្តនយោបាយ និងសេដ្ឋកិច្ចរួម មាន៖ ការអូសបន្លាយសង្គ្រាមរុស្សី-អ៊ុយក្រែន, ជម្លោះនៅមជ្ឈឹមបូព៌ា ដោយវិបត្តិទាំងពីរនេះ, បច្ចុប្បន្នមិនសូវមានភាពប៉ះពាល់ដល់ សេដ្ឋកិច្ចខ្លាំងនោះឡើយ ខណៈភាពតានតឹងពាណិជ្ជកម្មរវាងសហរដ្ឋអាមេរិកនិងចិន នៅតែជាបញ្ហាប្រឈមក្នុងការប្រកួតប្រជែង។

ចំណែកអតិផរណាសកលវិញ, ឃើញថា មាននិន្នាការថយចុះបន្តិចថែមទៀត មកនៅត្រឹម ៣,២ ភាគរយ នៅខែ ឧសភា, តែទោះជាយ៉ាងណាអតិផរណានៅតែខ្ពស់ជាងគោលដៅ (ភាគច្រើនសម្រាប់ប្រទេសអភិវឌ្ឍន៍) ។ ជាក់ស្តែងរូបិយវត្ថុដុល្លារអាមេរិកបាន ដំឡើងអត្រាការប្រាក់គោលតាំងពីខែ មីនា មកម្ល៉េះ។ បញ្ហានេះទីផ្សារពិភពលោកបានប៉ាន់ស្មានថា សហរដ្ឋអាមេរិកនឹងបន្ថយអត្រា ការប្រាក់ តែមកដល់ពេលនេះ សហរដ្ឋអាមេរិកមិនបានបន្ថយអត្រាការប្រាក់នោះឡើយ ដោយមានករណីជាច្រើនដូចជា៖ ការដំ- ឡើងនៅក្នុងកម្រិតបច្ចុប្បន្ន ក៏មានការប្រើប្រាស់ខ្ពស់ក្នុងសេដ្ឋកិច្ច (ដែលជាកត្តាមិនត្រូវការចាំបាច់បន្តូបន្ថយនោះឡើយ)។ ករណី ដំឡើងអត្រាការប្រាក់ខ្ពស់ លុយដុល្លារនឹងហូរចូលប្រទេសរបស់ខ្លួនវិញ (ព្រោះអាមរិកគឺជាទីផ្សារហិរញ្ញវត្ថុមួយនៅក្នុងពិភពលោក) រួមជាមួយភាពមិនច្បាស់លាស់ នៃការអូសបន្លាយសង្គ្រាមសង្គ្រាមរុស្សី អ៊ុយក្រែន គឺធ្វើឲ្យអាមេរិករក្សាអត្រាការប្រាក់គោលក្នុងរង្វង់ ៥,៥ ភាគរយដ៏ដែល។ បញ្ហាទាំងអស់នេះ មានប្រទេសជាច្រើនក៏ដូចកម្ពុជាផងដែរ បានរងនូវសម្ពោធអំពីអត្រាការប្រាក់នេះ, ជាក់ស្តែង កន្លងមក ដោយសារមានអត្រាការប្រាក់ទាប ធ្វើឲ្យអ្នករកស៊ីសេវាហិរញ្ញវត្ថុអាចកម្ចីបានច្រើន សម្រាប់ការផ្តល់សេវារបស់ខ្លួន។

ជុំវិញបញ្ហានេះ, សម្រាប់កម្ពុជាវិញ អតិផរណាមិនសូវរងការប៉ះពាល់នោះឡើយ តែអាចប៉ះពាល់លំហូរទុនមកពីខាងក្រៅទាបជាងមុន ។ ចំណែកភាពតានតឹងពាណិជ្ជកម្មរវាងសហរដ្ឋអាមេរិកនិងចិន ក៏អាចជាការរងប៉ះពាលខ្លះៗដល់ការនាំចេញរបស់កម្ពុជាផងដែរ ប៉ុន្តែ ការយោគយល់អាមេរិកសម្រាប់កម្ពុជានៅតែមាន ខណៈដែលនយោបាយការទូតរបស់កម្ពុជា បានបង្កើតកិច្ចសហប្រតិបត្តិការយ៉ាងល្អ ប្រសើរ និងគ្រប់ជ្រុងជ្រោយ។

សូមបញ្ជាក់ថា ជុំវិញអតិផរណាអត្រាប្រាក់គោលនេះ ក្នុងនោះបើគិតជាភាគរយ ចាប់ពីខែ មករា ឆ្នាំ ២០២២ ដល់ខែ ឧសភា ឆ្នាំ ២០២៤ សហអាមេរិកបានដំឡើងអត្រាការប្រាក់គិតជាមធ្យម ក្នុងរង្វង់ ៣,៣ ភាគរយ, កាណាដា ២,៧ ភាគរយ, អឺរ៉ុប ២,៦ ភាគរយ ខណៈដែលអង់គ្លេសបានធ្លាក់មក ដល់ត្រឹម ២ ភាគរយប៉ុណ្ណោះ៕

អត្ថបទ៖ សុន រ៉ាឌី