អ្នកនាំពាក្យក្រសួងការបរទេសចិន លោក Lin Jian បាននិយាយនៅក្នុងសន្និសីទសារព័ត៌មានមួយថា សហគមន៍អន្តរជាតិ គួរតែបង្កើតលក្ខខណ្ឌសម្រាប់ការសន្ទនាដោយផ្ទាល់រវាងទីក្រុងមូស្គូ និងទីក្រុងគីវ។

លោក Lin Jian បាននិយាយថា សហគមន៍អន្តរជាតិ គួរតែបង្កើតលក្ខខណ្ឌសម្រាប់ការបន្តការសន្ទនាដោយផ្ទាល់ និងការចរចារវាងភាគីទាំងពីរ ហើយមហាអំណាច គួរតែបង្ហាញថាមពលវិជ្ជមានជាជាងឥទ្ធិពលអវិជ្ជមាន» ដោយអត្ថាធិប្បាយអំពីលិខិតរបស់នាយករដ្ឋមន្ត្រីហុងគ្រី លោក Viktor Orban ទៅកាន់ប្រធាននៃក្រុមប្រឹក្សាអឺរ៉ុប លោក Charles Michel ។

នៅក្នុងលិខិតរបស់ខ្លួនទៅកាន់ប្រធានក្រុមប្រឹក្សាអឺរ៉ុប លោក Charles Michel នាយករដ្ឋមន្ត្រីហុងគ្រី លោក Viktor Orban បានស្នើថា ថ្នាក់ដឹកនាំសហភាពអឺរ៉ុប គួរតែស្តារឡើងវិញនូវបណ្តាញទំនាក់ទំនងការទូតជាមួយរុស្ស៊ី ដើម្បីដោះស្រាយជម្លោះនៅអ៊ុយក្រែន។ លោកនាយករដ្ឋមន្ត្រីហុងគ្រី ក៏បានផ្តួចផ្តើមការចរចាជាមួយប្រទេសចិន ដើម្បីរៀបចំសន្និសីទអន្តរជាតិស្តីពីអ៊ុយក្រែនផងដែរ។