គិតត្រឹមរសៀលថ្ងៃទី២០ ខែកក្កដា ឆ្នាំ២០២៤នេះ ទឹកស្ទឹងពោធិ៍សាត ក្នុងក្រុងពោធិ៍សាត់ បាន​ហក់​ឡើង​ដល់កម្ពស់៤.៨៦ម៉ែត្រ ដោយកម្ពស់ត្រូវប្រុងប្រយ័ត្នគឺ៥ម៉ែត្រ នេះបើ​យោង​តាម​របាយការណ៍ របស់មន្ទីរធនធានទឹកនិងឧតុនិយមខេត្តពោធិ៍សាត់។

ចំណែក​ទឹកស្ទឹង​ក្រវាញ​ក្នុង​ស្រុកភ្នំ​ក្រវាញ​មានកម្ពស់២.៥២ម៉ែត្រ ដោយកម្ពស់ត្រូវប្រុងប្រយ័ត្នគឺ៦ម៉ែត្រ ហើយទឹក​ស្ទឹង​វាល​វែង​ក្នុង​ស្រុកវាលវែង មានកម្ពស់៣.២០ម៉ែត្រ ដោយកម្ពស់ត្រូវប្រុងប្រយ័ត្នគឺ៩ម៉ែត្រ។

កម្ពស់​ទឹក​ស្ទឹងពោ​ធិ៍សាត់ ក្នុងក្រុងពោធិ៍សាត់ និងស្រុកកណ្តៀង ដែលជាផ្នែកខាងក្រោម នឹងបន្ត​កើន​ឡើង​បន្ថែម​ទៀត ប្រសិនបើមានភ្លៀងបន្តធ្លាក់នៅស្រុកវាលវែង និងស្រុកភ្នំក្រវាញដែលជាផ្នែកខាងលើ៕