ក្រុមបាតុករប្រឆាំងរដ្ឋាភិបាលបានប្រមូលផ្តុំគ្នានៅក្នុងទីក្រុងនានាទូទាំងប្រទេសអ៊ីស្រាអែលកាលពីយប់ថ្ងៃសៅរ៍ដោយអំពាវនាវកុំឱ្យលោកនាយករដ្ឋមន្ត្រី Benjamin Netanyahu បំពេញដំណើរទស្សនកិច្ច ដែលបានគ្រោងទុកទៅទីក្រុងវ៉ាស៊ីនតោននៅថ្ងៃបន្ទាប់ លុះត្រាលោកបានចុះហត្ថលេខាលើកិច្ចព្រមព្រៀងជាលើកដំបូងជាមួយក្រុមភេរវករហាម៉ាសដើម្បីជួយសម្រួលដល់ការវិលត្រឡប់របស់ចំណាប់ខ្មាំងពីដែនដីហ្កាហ្សា។   

បាតុកម្មដ៏ធំបំផុតត្រូវបានរៀបចំឡើងនៅទីក្រុង Tel Aviv ទីក្រុង Jerusalem ទីក្រុង Haifa និង        ទីក្រុង កេសសារា(Caesarea) ដោយមានអ្នកចូលរួមរាប់ពាន់នាក់។

 ថ្លែងនៅមុខទីបញ្ជាការយោធារបស់អ៊ីស្រាអែលនៅទីក្រុង Tel Aviv លោក អ៊ីណាវ ហ្សានហ្គូឃើ (Einav Zangauker) ដែលកូនប្រុសរបស់លោក ឈ្មោះ ម៉ាតាន (Matan)អាយុ២៤ ឆ្នាំជាចំណាប់ខ្មាំងនៅ ហ្កាហ្សា បានប្រកាសថាមានមនុស្សម្នាក់ដែលឈរនៅចន្លោះរវាងគ្រួសារនៃអ្នកជាប់ឃុំឃាំង និងមនុស្សជាទីស្រលាញ់របស់ពួកគេ ហើយនោះគឺ នាយករដ្ឋមន្ត្រី ជាបុគ្គលសំខាន់ ជាងគេដែលព្យាយាមការពារតែកៅអីរបស់លោកជាជាងការសង្គ្រោះជីវិតមនុស្ស។

ក្រុមគ្រួសាររបស់ចំណាប់ខ្មាំងបានដឹកនាំការតវ៉ាជារៀងរាល់យប់ថ្ងៃសៅរ៍ស្ទើរតែចាប់តាំងពីការចាប់ផ្តើមនៃសង្រ្គាមដើម្បីដាក់សម្ពាធលើរដ្ឋាភិបាលឱ្យធ្វើកិច្ចព្រមព្រៀងដោះលែងអ្នកជាប់ឃុំក្នុងដៃក្រុមហាម៉ាស៕