គណបក្សប្រជាធិបតេយ្យជាច្រើនកាលពីថ្ងៃអាទិត្យ ទី២១ ខែកក្កដា បានគាំទ្រយ៉ាងឆាប់រហ័សសម្រាប់លោកស្រីKamala Harris ឈរឈ្មោះជាបេក្ខជនប្រធានាធិបតីសម្រាប់គណបក្សប្រជាធិបតេយ្យតទល់ជាមួយលោក Donald Trump បន្ទាប់ពីប្រធានាធិបតីកំពុងកាន់អំណាចលោក Joe Biden បានចាកចេញពីការប្រកួតប្រជែង ប៉ុន្តែសមាជិកបក្សដ៏មានឥទ្ធិពលមួយចំនួនរួមទាំងអតីតប្រធានសភាលោកស្រី Nancy Pelosi និងអតីតប្រធានាធិបតី លោក Obama នៅស្ងៀម។

បន្ទាប់ពីភាពចម្រូងចម្រាសជាច្រើនសប្តាហ៍ក្នុងចំណោមគណបក្សប្រជាធិបតេយ្យ ថាតើលោក Biden វ័យ៨១ ឆ្នាំ គួរតែស្ថិតនៅក្នុងការប្រកួតប្រជែងអាណត្តថ្មីដែរឬទេ ការប្រញាប់ប្រញាល់នៃការគាំទ្រឲ្យមានការបង្រួបបង្រួមកំពុងស្ថិតនៅពីក្រោយលោកស្រី Harris ។ ប្រសិនបើលោកស្រីនឹងក្លាយជាបេក្ខភាព គឺលោកស្រីនៅសល់ពេលវេលាដ៏សារៈសំខាន់ ត្រឹមជាង ១០០ ថ្ងៃ មុនការបោះឆ្នោតខែវិច្ឆិកាចូលមកដល់។

ប៉ុន្តែមានមន្ទិលជាច្រើននៅក្នុងគណបក្សប្រជាធិបតេយ្យអំពីថាតើលោកស្រី Harris អាចយកឈ្នះលោក Trump ដែលជាបេក្ខភាពមកពីគណបក្សសាធារណរដ្ឋ និងជាអតីតប្រធានាធិបតីដែរឬទេ។ ក្រុមអ្នកប្រជាធិបតេយ្យមួយចំនួនបានលើកឡើងថា គណបក្សប្រធាជាធិបតេយ្យ គួរតែរៀបចំការបោះឆ្នោតបឋមតូចមួយមុនមហាសន្និបាតបក្សនៅខែសីហាខាងមុខ។ 

លោក Biden ខ្លួនឯងបានគាំទ្រលោកស្រី Harris កាលពីថ្ងៃអាទិត្យ នៅក្នុងសេចក្តីថ្លែងការណ៍ដាច់ដោយឡែកមួយ បន្ទាប់ពីលិខិតរបស់លោកដែលនិយាយថាលោកកំពុងដកខ្លួនចេញពីការប្រជែងតំណែងប្រធានាធិបតីអាណត្តិថ្មី។ លោកត្រូវបានតាមដានយ៉ាងរហ័សដោយក្រុមទាមទារសិទ្ធិស្មើភាព ដ៏មានឥទ្ធិពល ម្ចាស់ជំនួយសំខាន់ៗជាច្រើន សមាជិកសភា និងក្រុមគណៈកម្មកាធិការឧបត្ថម្ភយុទ្ធនាការនយោបាយជាដើម៕