ប្រជាជនម៉ិកស៊ិក បានពិចារណាអំពីអ្វីជារឿងបន្ទាប់ ក្រោយពីការសម្រេចចិត្តរបស់ប្រធានាធិបតីសហរដ្ឋអាមេរិក លោក Joe Biden ក្នុងការចាកចេញពីបំណងបោះឆ្នោតថ្មីរបស់លោក។

លោក Biden បានបោះបង់ចោល បំណងបោះឆ្នោតថ្មីរបស់លោកកាលពីថ្ងៃអាទិត្យ ដែលស្ថិតក្រោមសម្ពាធកាន់តែកើនឡើងខ្លាំងពីសមាជិកបក្សប្រជាធិបតេយ្យរបស់លោក ហើយបានគាំទ្រអនុប្រធានាធិបតី លោកស្រី Kamala Harris ឱ្យជំនួសលោកជាបេក្ខជនរបស់គណបក្ស ដើម្បីប្រឈមមុខជាមួយបេក្ខជនគណបក្សសាធារណរដ្ឋ លោក Donald Trump ក្នុងការបោះឆ្នោត នៅខែវិច្ឆិកា ខាងមុខនេះ។

ខណៈមនុស្សមួយចំនួនបង្ហាញការគាំទ្រចំពោះអនុប្រធានាធិបតី លោកស្រី Kamala Harris ដែលលោក Biden ពេញចិត្ត អ្នកផ្សេងទៀតជឿថា លោក Trump អាចក្លាយជាអ្នកទទួលជ័យជម្នះក្នុងការបោះឆ្នោត។

មេធាវី លោក Evelyn Espinosa បាននិយាយថា នរណាក៏ដោយ ដែលជំនួសបេក្ខភាពប្រធានាធិបតីសហរដ្ឋអាមេរិក លោក Joe Biden នឹងមានសមត្ថភាពគិតគូរអំពីជនជាតិម៉ិកស៊ិក និងជនអន្តោប្រវេសន៍ដែលទៅដល់សហរដ្ឋអាមេរិក ពីព្រោះពួកគេគឺជាកម្លាំងនយោបាយដ៏សំខាន់សម្រាប់ភាពរីកចម្រើនរបស់ប្រទេសនេះ។

លោក Biden ដែលមានអាយុ ៨១ ឆ្នាំ ជាមនុស្សចាស់បំផុតពុំធ្លាប់មានក្នុងការកាន់តំណែងនៅ Oval Office ធ្លាប់បាននិយាយថា លោកនឹងបន្តកាន់តំណែងជាប្រធានាធិបតីរហូតដល់អាណត្តិរបស់លោកត្រូវបញ្ចប់នៅថ្ងៃទី ២០ ខែមករា ឆ្នាំ ២០២៥ ។

លោកពុំត្រូវបានគេឃើញជាសាធារណៈនោះទេ ចាប់តាំងពីបានធ្វើតេស្តវិជ្ជមានជំងឺ COVID-19 កាលពីសប្តាហ៍មុន ហើយលោកកំពុងដាក់ឲ្យធ្វើចត្តាឡីស័កនៅលំនៅឋានរបស់លោក ក្នុងរដ្ឋ Delaware ។