បាត់ដំបង៖ នៅថ្ងៃទី២១ ខែកក្កដា ឆ្នាំ២០២៤ មីនចំនួន៧១គ្រាប់និងមានគីបមួយចំនួនទៀត ត្រូវបានប្រជាពលរដ្ឋប្រទះឃើញនៅមាត់អូរ ភូមិអូរគគី ឃុំអូរដា ស្រុកកំរៀង ខេត្តបាត់ដំបង។ បើតាមអាជ្ញាធរមីន​ បានឱ្យដឹងថា​ បច្ចុប្បន្នគ្រាប់ទាំងនេះត្រូវបានប្រគល់ជូន​CMAC ដើម្បីប្រមូល​ទុកកម្ទេចចោល។

អាជ្ញាធរមីន សូមអំពាវនាវដល់បងប្អូនប្រជាពលរដ្ឋទាំងអស់​នៅពេលឃើញមីន និង​គ្រាប់​មិន​ទាន់​ផ្ទុះ សូមកុំប៉ះពាល់​ កែច្នៃ​ គប់​ ដុំ​ឬចល័តទៅទីណាមួយ ហើយត្រូវរាយការណ៍​ជា​បន្ទាន់​ដល់​អាជ្ញាធរ​មាន​សមត្ថកិច្ច និងប្រតិបត្តិករបោសស​ម្អាត​មីន​ដែល​នៅជិត​ទីនោះ ដើម្បី​យក​គ្រាប់ទាំងនោះទៅកម្ទេចចោល៕