ទូករ៉ូវីងវែងបំផុតលើលោក ត្រូវបានយកមកទទួល គប់ភ្លើងអូឡាំពិក កាលពីថ្ងៃអាទិត្យ ត្រឹមតែប៉ុន្មានថ្ងៃ នៃការចាប់ផ្តើមកីឡាអូឡាំពិក។

ដោយមានឈ្មោះ ស្តាមភ្លី វ៉ាំងកាត់ អិចប្រេស ( Stampfli 24 Express)ទូករ៉ូវីងនេះ មានលក្ខណៈពិសេសដាច់គេ។ ខណៈដែល ចំនួនកីឡាករក្នុងការប្រកួតច្រើនបំផុត៨នាក់ ទូកនេះផ្ទុកមនុស្សដល់ទៅ២៤នាក់ បូករួមអ្នកបញ្ជាក្បាលទូកម្នាក់។

ដោយមានប្រវែង៤០ម៉ែត្រ ទូកនេះត្រូវធ្វើឡើងពីក្តារ៦កំណាត់ ក្លាយជាទូករ៉ូវីងវែងជាងគេយ៉ាងដូច្នោះ។ ក្រុមហ៊ុនផលិតរបស់ស្វីស Stampfli Racing Boats ធ្វើទូករ៉ូវីងប្រពៃណីសម្រាប់ប្រកួតផ្លូវការ ប៉ុន្តែទូក វ៉ាំងកាត អិចប្រេស ជាប្រភេទពិសេសសម្រាប់តែកម្មវិធីធំ និងឱកាសពិសេសប៉ុណ្ណោះ។

សូមបញ្ជាក់ថាគប់ភ្លើងអឡាំពិកធ្វើដំណើរតាមទូកគឺស្ថិត ក្នុងទន្លេ ម៉ានណឹះ (Marne) នៅភាគខាងកើតទីក្រុងប៉ារីស៕