​បាល់ទាត់៖ ​បន្ទាប់ពី​ឈានដល់​កិច្ចព្រមព្រៀង​ផ្ទេរ​កាលពី​ថ្ងៃ​សុក្រ​ពី Juventus មកកាន់ Manchester United, Cristiano Ronaldo បាន​ក្លាយជា​កីឡាករ​របស់​ក្រុម​បិសាច​ក្រហម Manchester United ផ្លូវការ​ហើយ​ក្នុងតម្លៃ​ផ្ទេរ ១៩.៨លាន​ផោន​ជាមួយនឹង​កិច្ចសន្យា ២ឆ្នាំ​។

កីឡាករ​វ័យ ៣៦ឆ្នាំ​រូបនេះ​នឹង​ទទួល​បាន​ថ្លៃឈ្នួល ៣៨៥០០០​ផោន​ក្នុង​មួយ​សប្តាហ៍​។ ​​Cristiano Ronaldo ដែល​មិនទាន់​មកដល់​ទឹកដី​អង់គ្លេស​នៅឡើយ ដោយសារ​ជាប់​ភារកិច្ច​ជាមួយ​ក្រុម​ជំរើសជាតិ​ព័រទុយហ្កាល់​នោះ បាន​ឆ្លងកាត់​ដំណាក់កាល​ពិនិត្យ​សុខភាព​ជោគ​ជ័យ​នៅ​ព័រទុយហ្កាល់ និង​ពាក់អាវ​ក្រុម​បិសាច​ក្រហម Manchester United​។ ​“​គ្រប់​គ្នា​ពិត​ជាយ​ល់ពី​ចិត្ត​របស់ខ្ញុំ ក្តី​ស្រលាញ់​របស់ខ្ញុំ​សំរាប់ Manchester United មិនដែល​បញ្ចប់​ឡើយ ខ្ញុំ​ពិតជា​អន្ទះសា​ចង់បង្ហាញ​ខ្លួន​នៅ Old Trafford ដែល​នេះ​ជា​ក្តី​ស្រមៃ​របស់ខ្ញុំ​ដែល​បាន​ត្រលប់​មក​ផ្ទះ​វិញ និង​ឃើញ​អ្នកគាំទ្រ​” នេះ​ជា​សំដី​របស់​កីឡាករ​វ័យ ៣៦ឆ្នាំ​រូបនេះ​សរសេរ​នៅលើ​បណ្តាញ​សង្គម Instagram របស់ខ្លួន​។ ​មក​មើល​ស្ថិតិ​សំខាន់ៗ និង​អស្ចារ្យ​របស់ Cristiano Ronaldo មកដល់ពេលនេះ​៖

-​ ​ម្ចាស់​ជ័យលាភី​កីឡាករ​ឆ្នើម​បំផុត​លើ​លោក Ballon d’Or ៥លើក​នៅ​ឆ្នាំ២០០៨ ជាមួយ Manchester United និង​ ៤​លើក​នៅ​ឆ្នាំ២០១៣, ២០១៤, ២០១៦ និង ២០១៧ ជាមួយ Real Madrid​។

-​ ​ឈ្នះ​ជើងឯក UEFA Champions League ៥លើក ជាមួយ Manchester United ១លើក​នៅ​ឆ្នាំ២០០៨ និង​ ៤​លើក​ជាមួយ Real Madrid​។​

-​ ​ឈ្នះ​ជើងឯក​លី​គ ៧លើក​ដែល​រួមមាន Premier League ៣លើក​ជាមួយ Manchester United និង La Liga ៤លើក​ជាមួយ Real Madrid​។​

-​ ​ឈ្នះ​ជើងឯក​ទ្វីបអឺរ៉ុប Euro ២០១៦ ជាមួយ​ក្រុម​ជំរើសជាតិ​ព័រទុយហ្កាល់​។​

-​ ​ឈ្នះ​ពាន​សរុប ៣២ ជាមួយ​ក្លិប​អាជីព ៤ និង​ក្រុម​ជំរើសជាតិ​រួមមាន Sporting Lisbon, Manchester United, Real Madrid, Juventus និង​ព័រទុយហ្កាល់​។​

-​ ​ជា​អ្នក​ស៊ុត​បញ្ចូល​ទី​ច្រើនជាងគេ​ក្នុង​ប្រវត្តិសាស្ត្រ Champion League សរុប ១៣៤គ្រាប់​ក្នុងការ​បង្ហាញខ្លួន ១៧៦ប្រកួត​៕

​អត្ថបទ​៖​នាង សុភា​វុ​ធ