អង្គការកិច្ចសហប្រតិបត្តិការឥស្លាម (OIC) កាលពីថ្ងៃចន្ទ បានថ្កោលទោសការវាយប្រហាររបស់អ៊ីស្រា អែលលើក្បួនរថយន្តរបស់អង្គការសហប្រជាជាតិ ដែលធ្វើដំណើរទៅកាន់ទីក្រុងហ្កាហ្សា។

អង្គការឥស្លាមសកល បាននិយាយនៅក្នុងសេចក្តីថ្លែងការណ៍មួយថា ការវាយប្រហារនេះ បានបំពានច្បាប់អន្តរជាតិ និងសេចក្តីសម្រេចនានា ដោយថ្កោលទោសការបន្តដកហូតរបស់កងទ័ពអ៊ីស្រាអែលចំពោះជនស៊ីវិលប៉ាឡេស្ទីន នូវអាហារ ទឹក ការថែទាំផ្នែកវេជ្ជសាស្រ្ត និងសេវាកម្មសំខាន់ៗផ្សេងទៀត។

អង្គការនេះ បានអំពាវនាវឲ្យសហគមន៍អន្តរជាតិ ដាក់បទឈប់បាញ់លើការឈ្លានពានរបស់យោធាអ៊ីស្រាអែល ធានាការផ្តល់ជំនួយមនុស្សធម៌ប្រកបដោយនិរន្តរភាព ទៅកាន់តំបន់ហ្កាហ្សាស្ទ្រីប ប្រឈមមុខនឹងការប៉ុនប៉ងបង្ខំឲ្យផ្លាស់ទីលំនៅជនស៊ីវិលប៉ាឡេស្ទីន និងផ្តល់ការការពារដល់ប្រជាជនប៉ាឡេស្ទីន។

លោក Philippe Lazzarini អគ្គស្នងការនៃទីភ្នាក់ងារផ្តល់ជំនួយ និងការងាររបស់អង្គការសហប្រជាជាតិសម្រាប់ជនភៀសខ្លួនប៉ាឡេស្ទីន នៅតំបន់ដើមបូព៌ា បាននិយាយនៅលើប្រព័ន្ធផ្សព្វផ្សាយសង្គម X កាលពីថ្ងៃចន្ទថា ការបាញ់ប្រហារយ៉ាងធ្ងន់ធ្ងរ បានផ្ទុះឡើងពីកងកម្លាំងអ៊ីស្រាអែលទៅលើក្បួនរថយន្តរបស់អង្គការសហប្រជាជាតិ ដែលធ្វើដំណើរទៅកាន់ទីក្រុងហ្កាហ្សា កាលពីថ្ងៃអាទិត្យ។

លោក Lazzarini បានបន្ថែមថា៖«ខណៈពេលដែលមិនមានអ្នកស្លាប់ និងរបួស ក្រុមរបស់យើង ត្រូវក្រាបចុះនិងការពារខ្លួន» ដោយបញ្ជាក់ថា ក្រុមទាំងនោះ កំពុងធ្វើដំណើរក្នុងរថពាសដែករបស់អង្គការសហប្រជាជាតិ និងពាក់អាវកាក់UN។