លោក Hamid Asim ឥស្សរជនជាន់ខ្ពស់ក្នុងចលនានេះ បាននិយាយនៅក្នុងបទសម្ភាសន៍ផ្តាច់មុខជាមួយសារព័ត៌មាន Iran Press នៅទីក្រុង Sanaa ថា៖«ការគាំទ្ររបស់យើងចំពោះតំបន់ហ្កាហ្សា និងបុព្វហេតុប៉ាឡេស្ទីន គឺជាជំហរដ៏រឹងមាំ និងជាគោលការណ៍របស់យេម៉ែន ដែលត្រូវរងឥទ្ធិពលពីផលវិបាកផ្នែកយោបាយណាមួយឡើយ»។ 

លោកបានសង្កត់ធ្ងន់ថា ការឆ្លើយតបរបស់ទីក្រុងសាណាចំពោះអ្នកដែលផ្តល់ជំនួយដល់របបអ៊ីស្រាអែលក្នុងការវាយប្រហារ ជាពិសេសសំដៅលើការវាយប្រហារនាពេលថ្មីៗនេះ លើទីក្រុងកំពង់ផែ Al Hudaydah នៃប្រទេសយេម៉ែន នឹងមានសារៈសំខាន់ណាស់។ លោក Asim បានប្រកាសថា៖«ការវាយប្រហារលើតំបន់ជនស៊ីវិលរបស់យេម៉ែន មានផលវិបាក ហើយការវាយប្រហារសងសឹករបស់យើងប្រឆាំងនឹងទីតាំងរបស់អ៊ីស្រាអែល នឹងកាន់តែខ្លាំងឡើង។

លោក Abdulmajid Al-Hanash សមាជិកដ៏លេចធ្លោម្នាក់ទៀតនៃចលនា Ansarullah បាននិយាយអំពីការវាយប្រហាររបស់អ៊ីស្រាអែលលើឃ្លាំងស្តុកប្រេងនៅទីក្រុងកំពង់ផែ Al Hudaydah ដោយចាត់ទុកពួកវា ថា ជាការប៉ុនប៉ងធ្វើឲ្យការតាំងចិត្តរបស់យេម៉ែន ចុះខ្សោយ។ ទោះបីជាយ៉ាងណាក៏ដោយ លោកបានបញ្ជាក់ដោយទំនុកចិត្តថា៖«យុទ្ធសាស្ត្របែបនេះរបស់របបជ្វីហ្វ នឹងបរាជ័យ។ ជំហរផ្លូវការរបស់យេម៉ែននៅតែរឹងមាំក្នុងការគាំទ្រតំបន់ហ្កាហ្សា និងប៉ាឡេស្ទីន ហើយសកម្មភាពរបស់យើងប្រឆាំងនឹងអ៊ីស្រាអែលនឹងបន្តរហូតដល់ការបញ្ចប់ការសម្លាប់រង្គាលប៉ាឡេស្ទីន នៅតំបន់ហ្កាហ្សាស្ទ្រីប»។