គេហទំព័រព័ត៌មាន Elnashra បានរាយការណ៍ថា ឧត្តមស្នងការទទួលបន្ទុកជនភៀសខ្លួនរបស់អង្គការសហប្រជាជាតិ(UNHCR) បាននិយាយកាលពីថ្ងៃចន្ទថា ស្ថាប័ននេះនឹងកាត់បន្ថយកម្លាំងការងាររបស់ខ្លួននៅក្នុងប្រទេសលីបង់ ដោយលុបចោលការងារមួយចំនួន ដោយសារតែបញ្ហាថវិកា។

អង្គការ UNHCR បាននិយាយថា ការផ្លាស់ប្តូរទាំងនេះ នឹងត្រូវបានអនុវត្តនៅខែមេសា ឆ្នាំ២០២៥ ដែលបណ្តាលមកពីការថយចុះនៃមូលនិធិ ដែលបានធ្វើឲ្យប៉ះពាល់ដល់ការងាររបស់គណៈកម្មាការចាប់តាំងពីឆ្នាំ ២០១៦ ហើយត្រូវបានគេរំពឹងថា នឹងបន្តនៅពេលដែលតម្រូវការរបស់ប្រទេសលីបង់ មានកម្រិតខ្ពស់។

សេចក្តីប្រកាសនេះ បានធ្វើឡើងបន្ទាប់ពីអត្ថបទមួយ ត្រូវបានចេញផ្សាយដោយគេហទំព័រ Elnashra ដែលបញ្ជាក់ថា អង្គការUNHCR កាលពីឆ្នាំមុន បានសម្រេចកាត់បន្ថយចំនួនបុគ្គលិករបស់ខ្លួន នៅក្នុងប្រទេសលីបង់ ចំនួន១០ភាគរយ។

អង្គការ UNHCR បាននិយាយថា ខ្លួនទទួលបានត្រឹមតែ ២៤ ភាគរយនៃមូលនិធិចាំបាច់សរុបកាលពីខែមិថុនា ដោយបានលើកឡើងថា ទីភ្នាក់ងារអង្គការសហប្រជាជាតិ និងអង្គការក្រៅរដ្ឋាភិបាល នៅក្នុងប្រទេសលីបង់ ក៏ប្រឈមទៅនឹងបញ្ហាផ្តល់មូលនិធិនេះ ផងដែរ។

អង្គការបាននិយាយបន្ថែមថា ស្របតាមអាណត្តិជាសកលរបស់ខ្លួន អង្គការ ប្តេជ្ញាគាំទ្ររដ្ឋាភិបាលម្ចាស់ផ្ទះ ក្នុងការឆ្លើយតបរបស់ពួកគេចំពោះវិបត្តិជនភៀសខ្លួន។