ប្រធានាធិបតីស៊ីរី លោក បាសា អាល់អាសាដ ( Bashar al-Assad) បានបញ្ជាក់ថា ទំនាក់ទំនងរវាងស៊ីរី និងអ៊ីរ៉ង់មានភាពស៊ីជម្រៅ ដោយចង្អុលបង្ហាញពីសារៈសំខាន់នៃការជំរុញកិច្ចសហប្រតិបត្តិការ និងការសម្របសម្រួលរវាងប្រទេសទាំងពីរ លើគ្រប់វិស័យ។

កាលពីខែមុននេះ ទីប្រឹក្សាជាន់ខ្ពស់របស់រដ្ឋមន្ត្រីការបរទេសអ៊ីរ៉ង់ទទួលកិច្ចការនយោបាយពិសេស លោក Ali Asghar Khaji បានជួបជាមួយរដ្ឋមន្ត្រីការបរទេស និងជនបរទេសស៊ីរី លោក Fayssal Mikdad និងអនុរដ្ឋមន្ត្រីការបរទេស លោក Bassam Sabbgh។

ភាគីទាំងពីរ បានពិភាក្សាអំពីទំនាក់ទំនងទ្វេភាគី និងការវិវឌ្ឍចុងក្រោយបង្អស់ក្នុងតំបន់ និងអន្តរជាតិ។

ពួកគេ បានសង្កត់ធ្ងន់លើភាពចាំបាច់ក្នុងការពង្រឹងទំនាក់ទំនងរវាងស៊ីរីនិងអ៊ីរ៉ង់ និងបន្តការសម្របសម្រួលដើម្បីផលប្រយោជន៍របស់ប្រជាជនជាមិត្តនៃប្រទេសទាំងពីរ។

នៅក្នុងសេចក្តីថ្លែងការណ៍មួយ លោក Khaji បាននិយាយថា ដំណើរទស្សនកិច្ចរបស់លោកទៅកាន់ប្រទេសស៊ីរី គឺជាផ្នែកមួយនៃដំណើរ ដើម្បីពិភាក្សាអំពីបញ្ហានៅក្នុងតំបន់ ជាពិសេសពាក់ព័ន្ធនឹងទំនាក់ទំនងទ្វេភាគី និងកំណត់ផ្លូវអនាគតរបស់ពួកគេ ដោយបង្ហាញថា កិច្ចពិភាក្សាជាមួយលោក Mikdad បានផ្តោតលើការវាយតម្លៃរួមគ្នានៃបញ្ហាទ្វេភាគី និងក្នុងតំបន់ និងការកំណត់គោលដៅទាក់ទងនឹងពួកគេ ក្នុងគោលបំណងជំរុញទំនាក់ទំនងរវាងប្រទេសទាំងពីរ។