ភ្លៀងធ្លាក់ខ្លាំងកាលពីថ្ងៃចន្ទ បានបង្កឲ្យមានស្ថានភាពដូចទឹកជំនន់នៅរដ្ឋភាគខាងលិច Gujarat ប្រទេសឥណ្ឌា ។

ទឹកភ្លៀង បានហូរចូលផ្ទះប្រជាពលរដ្ឋនៅក្នុងសង្កាត់ Surat បង្ខំឲ្យពួកគេស្នាក់នៅក្រៅផ្ទះ ឬស្វែងរកទីជម្រកតាមហាងលក់ទំនិញនៅក្នុងតំបន់នោះ ។

ចំណែកឯអ្នកដំណើរប្រឈមនឹងការរំខានយ៉ាងខ្លាំង ពេលដែលរថយន្តភាគច្រើនបានរលត់តាមផ្លូវក្រោយលិចក្នុងទឹក ។

ក្រុមនគរបាល បានជម្លៀសមនុស្សចេញពីតំបន់រងការជន់លិច ហើយស្នើសុំអ្នកស្រុកឲ្យផ្លាស់ទីទៅកាន់ទីទួលសុវត្ថិភាពជាមួយនឹងទ្រព្យសម្បត្តិរបស់ពួកគេ ។

ខណៈពេលនោះដែរ ភូមិ Lath ស្ថិតក្នុងសង្កាត់ Rajkot ជំនន់ទឹកភ្លៀង បានបិទផ្លូវចេញ-ចូលទាំងស្រុង ធ្វើឲ្យប្រជាពលរដ្ឋពិបាកធ្វើដំណើរចេញក្រៅ ៕