ក្រុមបាតុករគាំទ្ររដ្ឋាភិបាល និងប្រឆាំងរដ្ឋាភិបាល បានប៉ះទង្គិចគ្នានៅព្រឹកថ្ងៃអង្គារនេះ ក្នុងទីក្រុងណៃរ៉ូប៊ី រដ្ឋធានីប្រទេសកេនយ៉ា ហើយត្រូវបានបំបែកដោយឧស្ម័នបង្ហូរទឹកភ្នែករបស់នគរបាល ។

វិស័យធុរកិច្ច ត្រូវបានបិទទ្វារ ពេលដែលក្រុមនគរបាលយាមកាមចំណុចសំខាន់ៗ រួមទាំងនៅសភាផងដែរ ។

កាលពីថ្ងៃសុក្រសប្តាហ៍មុន ប្រធានាធិបតីកេនយ៉ាលោក William Ruto បានតែងតាំងឡើងវិញសមាជិកគណៈរដ្ឋមន្រ្តីជាច្រើនរូប ក្រោយរូបលោកបណ្តេញពួកគេចេញចេញពីតំណែង កាលពីរយៈពេល ១សប្តាហ៍មុន ។

ការតែងតាំងនេះ បានបង្កើតរដ្ឋាភិបាលថ្មីដែលលោកនិយាយថា នឹងឆ្លើយតបចំពោះទុក្ខលំបាករបស់ក្រុមបាតុករ ។

ប្រទេសកេនយ៉ាបានដាក់ជូនផែនការជួសជុលសេដ្ឋកិច្ចដល់មូលនិធិរូបិយវត្ថុអន្តរជាតិ(IMF) ហើយពួកគេរំពឹងថា គណៈក្រុមប្រឹក្សាភិបាលមូលនិធិមួយនេះ នឹងពិនិត្យមើលរួចឯកភាពក្នុងជំនួបនាដំណាច់ខែសីហាខាងមុខ ។

ក្រុមយុវជន ចាប់ផ្តើមតវ៉ានៅទូទាំងប្រទេសប្រឆាំងនឹងសេចក្តីព្រាងច្បាប់ស្នើសុំដែលនឹងមើលឃើញការហក់ឡើងខ្ពស់តម្លៃពន្ធ កាលពីខែមិថុនា ក្នុងឆ្នាំនេះ ។

បាតុកម្មនេះ បណ្តាលឲ្យមនុស្សជាង ៥០នាក់ ស្លាប់ ចាប់តាំងពីពាក់កណ្តាលខែមិថុនា ហើយនិងធ្វើឲ្យលោក Ruto រងសំពាធរវាងម្ចាស់កម្ចីឲ្យសងបំណុលខ្ពស់ និងការតវ៉ារបស់សាធារណជន ពាក់ព័ន្ធនឹងការចំណាយច្រើន ៕