កិច្ចសន្យាសម្រាប់នាវា Bibby Stockholm ដែលត្រូវបានប្រើប្រាស់ដោយរដ្ឋាភិបាលដែលដឹកនាំដោយគណបក្សអភិរក្សពីមុន ដើម្បីផ្តល់ជម្រកដល់អ្នកស្វែងរកសិទ្ធិជ្រកកោន នៅឆ្នេរសមុទ្រ Dorset នៅភាគនិរតីនៃប្រទេសអង់គ្លេស នឹងមិនត្រូវបានបន្តតទៅទៀតទេ ចាប់ពីចុងខែមករា ឆ្នាំ ២០២៥ ដែលជាផ្នែកមួយនៃការរុះរើប្រព័ន្ធសិទ្ធិជ្រកកោនរបស់រដ្ឋាភិបាលដែលដឹកនាំដោយគណបក្សការងារ។

រដ្ឋមន្ត្រីក្រសួងសន្តិសុខព្រំដែន និងសិទ្ធិជ្រកកោន លោកស្រី Angela Eagle បាននិយាយកាលពីថ្ងៃអង្គារថា៖«រដ្ឋមន្ត្រីក្រសួងមហាផ្ទៃ បានរៀបចំផែនការ ដើម្បីចាប់ផ្តើមជម្រះបញ្ជីកិច្ចការសិទ្ធិជ្រកកោនដែលមិនទាន់បានធ្វើ និងសន្សំប្រាក់សម្រាប់កន្លែងស្នាក់នៅ ដោយរៀបចំវិក័យបត្រទូទាត់ប្រាក់យ៉ាងច្រើនសម្រាប់អ្នកជាប់ពន្ធនេះ»។

លោកស្រី បានបន្ថែមថា៖«យើងប្តេជ្ញាស្តារសណ្តាប់ធ្នាប់ឡើងវិញចំពោះប្រព័ន្ធសិទ្ធិជ្រកកោន ដើម្បីធ្វើឲ្យវាដំណើរការបានលឿន រឹងមាំ និងយុត្តិធម៌ ហើយធានាថា ច្បាប់ត្រូវបានអនុវត្តយ៉ាងត្រឹមត្រូវ»។

ក្រសួងមហាផ្ទៃ បានអះអាងថា ការបញ្ចប់ការប្រើប្រាស់នាវា Bibby Stockholm គឺជាផ្នែកនៃប្រាក់សន្សំបានចំនួន៧,៧ ពាន់លានផោន (៩,៩៤ ពាន់លានដុល្លារអាមេរិក) ក្នុងការចំណាយសម្រាប់សិទ្ធិជ្រកកោន ក្នុងរយៈពេល ១០ ឆ្នាំខាងមុខ។