ជប៉ុនបានតវ៉ាទៅរុស្ស៊ី នៅថ្ងៃពុធនេះ ជុំវិញការទប់ស្កាត់ការបដិសេធមិនឲ្យចូលប្រទេស សម្រាប់នាយកប្រតិបត្តិធុរកិច្ចជប៉ុន ១៣នាក់ ក្នុងនោះរួមទាំងប្រធានក្រុមហ៊ុន Toyota Motor ដែលជាផ្នែកមួយនៃវិធានការប្រឆាំងទណ្ឌកម្ម។

គួរបញ្ជាក់ថា ក្រសួងការបរទេសរុស្ស៊ីបានចេញផ្សាយបញ្ជីឈ្មោះពលរដ្ឋជប៉ុន ១៣នាក់ កាលពីថ្ងៃអង្គារដោយនិយាយថា ទីក្រុងមូស្គូនឹងហាមឃាត់ការចូលប្រទេសរបស់ពួកគេជាអចិន្ត្រៃយ៍។

ប្រធានខុទ្ទកាល័យលោក Yoshimasa Hayashi បានប្រាប់សន្និសីទសារព័ត៌មាននៅទីក្រុងតូក្យូ រដ្ឋធានីជប៉ុនថា៖ «ការសម្រេចនេះដែលប្រកាសដោយរុស្ស៊ី នឹងរឹតបន្តឹងសកម្មភាពសាជីវកម្មស្របច្បាប់របស់ជប៉ុន ហើយនោះមិនអាចទទួលយកបានទាំងស្រុង»។

អ្នកផ្សេងទៀតនៅក្នុងបញ្ជីនោះ រួមមានស្ថាបនិកលក្រុមហ៊ុន Rakuten Group លោក Hiroshi Mikitani ប្រធានក្រុមហ៊ុន Toyobo Co លោក Ikuo Takeuchi និងប្រធានក្រុមហ៊ុន Toray Industries លោក Mitsuo Oya៕