ក្រសួងការពារជាតិទួរគី បាននិយាយកាលពីថ្ងៃអង្គារថា ទួរគី «បានសម្លាប់» «ភេរវករ» ចំនួន ៤នាក់ នៅក្នុងប្រតិបត្តិការតាមអាកាសដែលបានធ្វើឡើង នៅភាគខាងជើងប្រទេសអ៊ីរ៉ាក់។

ក្រសួង បាននិយាយថា កងកម្លាំងទួរគី «បានសម្លាប់» សមាជិកនៃគណបក្សពលករឃើដ (PKK) ដែលមិនស្របច្បាប់ នៅក្នុងតំបន់ «ប្រតិបត្តិការ» ឆ្លងព្រំដែន ដោយមិនបានបញ្ជាក់អំពីពេលវេលានៃប្រតិបត្តិការនោះទេ។

សេចក្តីថ្លែងការណ៍នោះ បាននិយាយថា សមាជិក PKK រួមមាន Yusuf Kalkan ដែលស្ថិតនៅក្នុងបញ្ជីដែលគេតាមរកចាប់ខ្លួនបំផុត ដោយទួរគី ក្រោមការចោទប្រកាន់ថា ជា «សមាជិកនៃក្រុមភេរវករ និងបង្កើត និងប្រតិបត្តិការក្រុមភេរវកម្ម»។

ជារឿយៗ អាជ្ញាធរទួរគីប្រើពាក្យ «សម្លាប់» នៅក្នុងសេចក្តីថ្លែងការណ៍របស់ពួកគេ ដើម្បីបញ្ជាក់ថា «ភេរវករ» ដែលត្រូវបានចោទប្រកាន់ថា បានចុះចាញ់ ត្រូវបានគេសម្លាប់ ឬត្រូវបានចាប់ខ្លួន។

PKK ដែលត្រូវបានចុះបញ្ជីជាអង្គការភេរវកម្ម ដោយប្រទេសទួរគី សហរដ្ឋអាមេរិក និងសហភាពអឺរ៉ុប បានបះបោរប្រឆាំងនឹងរដ្ឋាភិបាលទួរគីអស់រយៈពេលជាងបីទសវត្សរ៍មកហើយ។

ចាប់តាំងពីឆ្នាំ ២០១៩ មក ប្រទេសទួរគី បានផ្តួចផ្តើមប្រតិបត្តិការយោធាឆ្លងព្រំដែនជាបន្តបន្ទាប់ទៅកាន់តំបន់ពាក់កណ្តាលស្វយ័តឃើដឌីស្តង់ នៅភាគខាងជើងប្រទេសអ៊ីរ៉ាក់ ដោយផ្តោតលើកន្លែងលាក់ខ្លួនតាមភ្នំរបស់ PKK។