ក្រុមមន្ត្រីបាននិយាយថា ព្យុះទីហ្វុង ហ្កែមី (Gaemi) ដែលបានបោកបក់លើឆ្នេរសមុទ្រភាគខាងកើតរបស់តៃវ៉ាន់ បានសម្លាប់មនុស្ស ៣នាក់ និងរាប់រយនាក់ទៀតរងរបួស។

ព្យុះហ្កែមី ដែលបានបន្ទាបខ្លួនដល់ដីគោកនៅជិតទីក្រុងហ៊ួលៀន (Hualien) ក្នុងល្បឿនខ្យល់ប្រហែល ២៤០ គីឡូម៉ែត្រក្នុងមួយម៉ោង ត្រូវគេជឿថាជាព្យុះមានកម្លាំងខ្លាំងបំផុតដែលបានវាយប្រហារលើកោះនេះក្នុងរយៈពេល ៨ ឆ្នាំចុងក្រោយនេះ។

ព្យុះនេះបានបង្ខំឱ្យក្រុមមន្ត្រីលុបចោលផ្នែកខ្លះនៃសមយុទ្ធយោធាប្រចាំឆ្នាំដ៏ធំបំផុតរបស់កោះនេះ រួមទាំងជើងហោះហើរក្នុងស្រុកស្ទើរតែទាំងអស់ និងជើងហោះហើរអន្តរជាតិជាង ២០០ ។

របាយការណ៍បាននិយាយថា មនុស្សជាង ៨.០០០នាក់ នៅទូទាំងកោះនេះត្រូវបានជម្លៀសចេញពីលំនៅឋានបណ្តោះអាសន្នដោយក្រុមអាជ្ញាធរក្នុងតំបន់។

កាលពីថ្ងៃពុធ រដ្ឋាភិបាល បានប្រកាសជាថ្ងៃវាយប្រហារដោយព្យុះទីហ្វុង ដោយបានផ្អាកការងារ និងថ្នាក់រៀន ទូទាំងកោះនេះលើកលែងតែប្រជុំកោះឃិនមិន(Kinmen)។

នៅថ្ងៃព្រហស្បតិ៍ នេះ សាលារៀន និងការិយាល័យនានា ត្រូវបានបិទទ្វារ ខណៈជើងហោះហើរទាំងទៅទាំងមកពីកោះតៃវ៉ាន់ ក៏ត្រូវបានលុបចោលផងដែរ៕