កិច្ចប្រជុំរដ្ឋមន្ត្រីការបរទេសអាស៊ានលើកទី៥៧ បានចាប់ផ្ដើមនៅថ្ងៃព្រហស្បតិ៍ ទី២៥ ខែកក្កដា នេះ ដោយរដ្ឋមន្ត្រីការបរទេសឡាវ ថ្លែងសុន្ទរកថាបើក ក្រោមប្រធានបទ “បង្កើនការតភ្ជាប់និងភាពធន់របស់អាស៊ាន”។ 

កិច្ចប្រជុំរបស់រដ្ឋមន្ត្រីការបរទេសមកពីសមាគមប្រជាជាតិអាស៊ីអាគ្នេយ៍នឹងធ្វើឡើងក្រោយកិច្ចប្រជុំកំពូលចំនួនពីរនៅប្រទេសឡាវនៅថ្ងៃសៅរ៍ ២៧ កក្កដា ដែលកំណត់ដើម្បីដោះស្រាយបញ្ហាសកលសំខាន់ៗ ដែលនឹងមានការចូលរួមពីមន្ត្រីមកពីសហរដ្ឋអាមេរិក សហភាពអឺរ៉ុប ជប៉ុន ចិន រុស្ស៊ី និងប្រទេសជាច្រើនទៀត។

រដ្ឋមន្ត្រីការបរទេសអាស៊ាន គ្រោងនឹងពិភាក្សារ លើកិច្ចខិតខំប្រឹងប្រែងគ្មានផ្លែផ្កា ដើម្បីបញ្ចប់ជម្លោះដ៏ធ្ងន់ធ្ងរ ដែលបានឈានទៅដល់សង្រ្គាមស៊ីវិលនៅក្នុងសហភាពមីយ៉ាន់ម៉ា គ្រប់គ្រងដោយយោធា ដែលអង្គការសហប្រជាជាតិបាននិយាយថា បានបង្ខំឲ្យប្រជាជនចំនួន ២,៦ លាននាក់ភៀសខ្លួន     ផ្ទុះការតវ៉ាយ៉ាងកក្រើកដ៏បង្ហូរឈាម និងបណ្ដាលឲ្យមនុស្សជាច្រើននាក់ស្លាប់ ។

សមាជិកដ៏ធំបំផុតរបស់ប្លុកនេះ រួមមានប្រទេសថៃ ឥណ្ឌូនេស៊ី សិង្ហបុរី និងម៉ាឡេស៊ី មានការខកចិត្តចំពោះការមិនមានឆន្ទៈរបស់របបយោធាក្នុងការគោរពការប្តេជ្ញាចិត្តរបស់ខ្លួនចំពោះការសន្ទនា ដែលបានសាកល្បងភាពជឿជាក់របស់ប្លុក និងលទ្ធភាពជោគជ័យនៃផែនការសន្តិភាពដែលបានព្រមព្រៀងគ្នាជាច្រើនខែបន្ទាប់ពីរដ្ឋប្រហារឆ្នាំ ២០២១ ៕