អ្នកនាំពាក្យប្រធានាធិបតីរុស្ស៊ី លោក Dmitry Peskov បាននិយាយថា សេចក្តីថ្លែងការណ៍របស់រដ្ឋមន្ត្រីការបរទេសអ៊ុយក្រែន លោក Dmitry Kuleba អំពីការត្រៀមខ្លួនរបស់ទីក្រុងគីវសម្រាប់កិច្ចពិភាក្សាជាមួយទីក្រុងមូស្គូ គឺស្របគ្នាជាមួយជំហររបស់វិមានក្រឹមឡាំង ប៉ុន្តែទាមទារឲ្យមានការបញ្ជាក់បន្ថែមទៀត។

មុននេះ លោក Kuleba បាននិយាយនៅក្នុងកិច្ចប្រជុំមួយជាមួយប្រមុខការទូតចិន លោក វ៉ាង យី ( Wang Yi)ថា អ៊ុយក្រែនកំពុងរៀបចំសម្រាប់កិច្ចពិភាក្សាជាមួយរុស្ស៊ី។ យោងតាមរដ្ឋមន្ត្រីការបរទេសអ៊ុយក្រែនរូបនេះ «ការពិភាក្សា ត្រូវតែមានហេតុផល ខ្លឹមសារ និងគោលបំណង ដើម្បីសម្រេចបាននូវសន្តិភាពដ៏ត្រឹមត្រូវ និងយូរអង្វែង»។

អ្នកនាំពាក្យវិមានក្រឹមឡាំង បានថ្លែងប្រាប់អ្នកសារព័ត៌មានថា៖«យើងទាំងអស់គ្នា បានដឹងអំពីរបាយការណ៍ពីទីក្រុងប៉េកាំងថា លោកបានធ្វើសេចក្តីថ្លែងការណ៍បែបនេះនៅក្នុងកិច្ចប្រជុំជាមួយលោក វ៉ាង យី។ មនុស្សម្នាក់ អាចនិយាយថា សាររបស់ខ្លួន គឺស្របតាមជំហររបស់យើង។ អ្នកដឹងទេ រុស្ស៊ីមិនដែលបដិសេធការចរចាទេ នៅតែបើកចំហសម្រាប់ដំណើរការចរចា ទោះជាយ៉ាងនេះក្តី ព័ត៌មានលម្អិតមាន គឺសារៈសំខាន់នៅទីនេះ ហើយយើងមិនទាន់ដឹងនៅឡើយ ដូច្នេះសូមរង់ចាំការបញ្ជាក់ខ្លះៗ ដែលនឹងកើតឡើង តាមភាពជាក់ស្តែង»។