អធិការបតីអាល្លឺម៉ង់ លោក អូឡាហ្វ សូល ( Olaf Scholz) បានអះអាងថា លោកនឹងមិនបញ្ជូនទាហានអាល្លឺម៉ង់ ទៅកាន់អ៊ុយក្រែនទេ ហើយយន្តហោះអាល្លឺម៉ង់ នឹងមិនបាញ់ទម្លាក់យន្តហោះ និងមីស៊ីលរបស់  រុស្ស៊ីឡើយ។

លោក សូល បានទៅកាន់ប្រជាជននៅទីក្រុង Saarbruckenថា៖«យើងនឹងមិនធ្វើអ្វីដែលនឹងនាំឲ្យមាន   សង្គ្រាមរវាងរុស្ស៊ី និងអង្គការណាតូ។ នេះជាមូលហេតុដែលខ្ញុំនៅតែបញ្ជាក់នៅក្នុងសេចក្តីថ្លែងការណ៍របស់ខ្ញុំ យ៉ាងច្បាស់បំផុត»។ «ខ្ញុំមិនបញ្ជូនទាហានទៅអ៊ុយក្រែនទេ។ ខ្ញុំនឹងមិនប្រើអាកាសយានិក និងយន្តហោះអាល្លឺម៉ង់ ដើម្បីបាញ់ទម្លាក់យន្តហោះ និងមីស៊ីលរបស់រុស្ស៊ីទេ។ 

លោកអធិការបតី បានគូសបញ្ជាក់យ៉ាងថា៖«យើងនឹងមិនអនុញ្ញាតឲ្យអាវុធរបស់យើងចូលទៅក្នុងទឹកដី  រុស្ស៊ីដ៏ធំទូលាយនោះឡើយ ពីព្រោះការធ្វើបែបនេះ នាំឲ្យមានហានិភ័យ ជាក់ជាពុំខាន។

ទន្ទឹមនឹងនេះ លោកបានចង្អុលបង្ហាញថា ប្រទេសអាល្លឺម៉ង់ នៅតែជាអ្នកតស៊ូមតិខ្លាំងបំផុតទីពីរ ដែលគាំទ្រអ៊ុយក្រែន បន្ទាប់ពីសហរដ្ឋអាមេរិក។