ក្រុមប្រដាប់អាវុធហេសបូឡានៅប្រទេសលីបង់ បានចាក់ផ្សាយវីដេអូដែលថតដោយយានដ្រូន ដែលខ្លួនបាននិយាយថា បង្ហាញពីកន្លែងការពារដែនអាកាស យន្តហោះ និងកន្លែងស្តុកប្រេងឥន្ធនៈ នៅឯមូលដ្ឋានទ័ពអាកាស Ramat David របស់អ៊ីស្រាអែល ដែលមានចម្ងាយជិត ៥០គីឡូម៉ែត្រ (៣០ម៉ាយ) ចូលទៅក្នុងទឹកដីអ៊ីស្រាអែល។

រូបភាពខ្សែវីដេអូនោះ រួមមានស្លាកសញ្ញា ដែលចង្អុលបង្ហាញអំពីហេដ្ឋារចនាសម្ព័ន្ធយោធាជាក់ស្តែង រួមទាំងប្រព័ន្ធការពារដែនអាកាស Iron Dome រយៈចម្ងាយខ្លី ដែលត្រូវបានរចនាឡើង ដើម្បីកម្ទេចគ្រាប់     រ៉ុក្កែត។

ក្រុមដែលមានសម្ព័ន្ធភាពជាមួយអ៊ីរ៉ង់ បាននិយាយថា វីដេអូដែលមានរយៈពេលជាង ៨នាទី ភាគច្រើនត្រូវបានថត កាលពីថ្ងៃអង្គារ។

វីដេអូនេះ ក៏រួមបញ្ចូលផងដែរនូវរូបភាពពេលយប់ ដែលក្រុមហេសបូឡា បាននិយាយថា ត្រូវបានថត «មុន» និងរូបភាពផ្សេងទៀត ដែលក្រុមនេះ បាននិយាយថា ត្រូវបានគេថតកាលពីដើមខែកក្កដា។ ចំណងជើង បាននិយាយថា ទាំងនេះគ្រាន់តែជា «រូបភាពមួយចំនួន»នៃអ្វីដែលយានដ្រូន ថតបានប៉ុណ្ណោះ។