កំពូល​កីឡាករប្រដាល់ហ្វីលីពីន Manny Pacquiao បានធ្វើការហ្វឹកហាត់នៅទីក្រុង តូក្យូ កាល​ពី​ថ្ងៃ​ព្រហស្បតិ៍ ត្រៀមខ្លួនប្រកួតជាមួយអ្នកប្រដាល់ជប៉ុន Rukiya Anpo នៅថ្ងៃ អាទិត្យ។

កីឡាករវ័យ៤៥ឆ្នាំដែលប្រឡូកអាជីពប្រដាល់អស់រយៈពេលជាង២៥ឆ្នាំ បានឈ្នះជើង​ឯក​ប្រដាល់​សកលពិភពលោកជាកំណត់ត្រា៨លើក ក្នុងប្រភេទទំងន់ផ្សេងគ្នា។ គូប្រកួតរបស់ Paquiao ថ្ងៃអាទិត្យនេះគឺជាអតីតជើងឯកប្រដាល់ទម្ងន់ស្រាល K-1 ហើយ​មិន​មាន​បទ​ពិសោធន៍ប្រដាល់សកអាជីពទេ។

ដើមឡើយ Pacquiao គ្រោងនឹងជួបជាមួយម្ចាស់ជើងឯក MMA ChihiroSuzuki តែដោយ​សារ​បញ្ហា​រ​បួសទើប Anpo ជាអ្នកជំនួសវិញ។ ការប្រកួតនេះនឹងធ្វើឡើងតែ៣ទឹក ប៉ុណ្ណោះ និង ស្ថិតក្រោមច្បាប់ ប្រដាល់សកល ។

ប្រសិនបើ Rukiya Anpo ប្រើក្បាច់ប្រដាល់ឃីកបុកស៊ីងណាមួយក្នុងអំឡុងពេលប្រកួត អ្នកផ្សព្វផ្សាយ RIZIN និយាយថាគាត់នឹងត្រូវប្រឈមមុខនឹងការពិន័យជាប្រាក់ចំនួន ៥ លានដុល្លារ៕