ជំនួយការវិមានក្រឹមឡាំងលោក Nikolay Patrushev បាននិយាយថា ក្រោមការក្លែងបន្លំនៃការធានាសន្តិសុខ នៅក្នុងសមុទ្រខ្មៅ បណ្តាប្រទេសសមាជិករបស់អង្គការណាតូ បានបញ្ជូនអាវុធឲ្យអង្គការនេះ ដែលគំរាមកំហែងដល់ប្រទេសរុស្ស៊ី និងប្រទេសដទៃទៀត នៅក្នុងតំបន់។

លោកបាននិយាយនៅក្នុងបទសម្ភាសន៍មួយជាមួយសារព័ត៌មាន Rossiyskaya Gazeta ថា៖«ក្រោមលេសនៃការធានាសន្តិសុខ នៅក្នុងសមុទ្រខ្មៅ សម្ព័ន្ធមិត្ត បានបញ្ជូនអាវុធយ៉ាងច្រើនឲ្យណាតូ ដែលបង្កការគំរាមកំហែងដល់ប្រទេសរុស្ស៊ី និងបណ្តាប្រទេសក្នុងតំបន់»។

មន្ត្រីរូបនេះ បាននិយាយថា៖«ការដាក់មីននៅដែនទឹកតាមឆ្នេរសមុទ្រ ដោយកងទ័ពជើងទឹកអ៊ុយក្រែនដែលគ្រប់គ្រងដោយលោកខាងលិច នាំឲ្យគ្រាប់មីនសមុទ្រអណ្តែតពាសពេញផ្ទៃទឹកសមុទ្រ ដែលគំរាមកំហែងកាន់តែខ្លាំងឡើងដល់នាវាស៊ីវិល»។ «គ្រោះថ្នាក់ដែលមិនអាចទាយទុកជាមុន បានចំពោះការធ្វើនាវាចរណ៍ និងហេដ្ឋារចនាសម្ព័ន្ធនៅតាមឆ្នេរសមុទ្រ ក៏បណ្តាលមកពីយានដ្រូនក្នុងសមុទ្រ ដែលវាយប្រហារខុសគោលដៅ ដោយសារតែប្រព័ន្ធ GPS មិនដំណើរការ។

លោក Patrushev ក៏បាននិយាយផងដែរថា តាមរយៈការប្រកាសនៅឯកិច្ចប្រជុំកំពូលរបស់ណាតូចុងក្រោយបង្អស់ អំពីដំណើរឆ្ពោះទៅរកការរក្សាសេរីភាពនៃការធ្វើនាវាចរណ៍ នៅសមុទ្រខ្មៅ ប្លុកប្រឆាំងរុស្ស៊ី បានបង្ហាញនូវផែនការមហិច្ឆតារបស់ខ្លួនយ៉ាងច្បាស់ ក្នុងការបង្កើនវត្តមានយោធារបស់ខ្លួន នៅក្នុងតំបន់នេះ និងបង្កើនការប្រឈមមុខដាក់គ្នា»។