ទីភ្នាក់ងារគ្រប់គ្រងគ្រោះមហន្តរជាតិក្នុងតំបន់របស់ប្រទេសហ្វីលីពីន បាននិយាយនៅថ្ងៃចន្ទសប្ដាហ៍នេះថា ចំនួនអ្នកស្លាប់ដោយសារព្យុះទីហ្វុង ហ្កែមី ទឹកជំនន់ និងបំណាក់ដី បានកើនឡើង ៣៦នាក់។

ចំណែកនៅក្នុងប្រទេសចិនវិញ មនុស្ស ១៥ នាក់ត្រូវបានសម្លាប់បន្ទាប់ពីបំណាក់ដី វាយប្រហារផ្ទះមួយក្នុងតំបន់ទេសចរណ៍ ខណៈភ្លៀងធ្លាក់ខ្លាំងពីអ្វីដែលនៅសេសសល់នៃព្យុះត្រូពិច នៅក្នុងតំបន់នេះ។

ប្រព័ន្ធផ្សព្វផ្សាយរដ្ឋបានរាយការណ៍ពីការស្លាប់ដែលទំនងជាលើកដំបូងនៅក្នុងប្រទេសចិនជាប់ពាក់ព័ន្ធនឹងព្យុះទីហ្វុង ហ្កែមី (Gaemi) ដែលបានចុះខ្សោយកម្លាំងទៅជាព្យុះត្រូពិចបន្ទាប់ពីបានបោកបក់លើដីគោកកាលពីថ្ងៃព្រហស្បតិ៍សប្ដាហ៍មុន។    

ក្រុមអាជ្ញាធរបាននិយាយកាលពីល្ងាចថ្ងៃសៅរ៍ថា ព្យុះទីហ្វុងបានធ្វើឱ្យមានភ្លៀងមូសុងកាន់តែខ្លាំងនៅក្នុងប្រទេសហ្វីលីពីន ដែលបណ្តាលឱ្យមនុស្សយ៉ាងហោចណាស់ ៣៦ នាក់ស្លាប់ និងបានបោកបក់ពាសពេញកោះតៃវ៉ាន់ ជាទីដែលចំនួនអ្នកស្លាប់បានកើនឡើងដល់ ១០ នាក់៕