លោក Oleg Ignasyuk អនុប្រធានមជ្ឈមណ្ឌលរុស្ស៊ីសម្រាប់ការផ្សះផ្សានៃភាគីប្រឆាំងនៅក្នុងប្រទេសស៊ីរី (ផ្នែកនៃក្រសួងការពារជាតិរុស្ស៊ី) បាននិយាយកាលពីថ្ងៃអាទិត្យថា យានដ្រូន MQ-9 Reaper របស់សម្ព័ន្ធចម្រុះដឹកនាំដោយសហរដ្ឋអាមេរិកចំនួន ពីរគ្រឿង បានចូលទៅជិតយន្តហោះចម្បាំងរុស្ស៊ី នៅក្នុងប្រទេសស៊ីរី។

លោក បាននិយាយថា៖«កាលពីថ្ងៃទី ២៧ ខែកក្កដា យានដ្រូនឈ្លបយកការណ៍ MQ-9 Reaperចំនួនពីរគ្រឿនរបស់ក្រុមចម្រុះ បានចូលទៅជិតយន្តហោះ Su-24 នៃកងកម្លាំងអាកាសរុស្ស៊ី ដែលកំពុងធ្វើការហោះហើរនៅលើទឹកដីស៊ីរី។ ឧបទ្ទវហេតុនេះបានកើតឡើងនៅរយៈកម្ពស់ប្រហែល ៦.៥០០ ម៉ែត្រ នៅជិតកន្លែងតាំងទីលំនៅ al-Sukhne ក្នុងតំបន់រដ្ឋបាលរបស់ទីក្រុងHoms ដោយបានបន្ថែមថា អ្នកបើកយន្តហោះរុស្ស៊ី បានបង្ហាញនូវវិជ្ជាជីវៈខ្ពស់ និងចាត់វិធានការទាន់ពេលវេលា ដើម្បីទប់ស្កាត់ការប៉ះទង្គិចមិនឲ្យកើតឡើង។

លោកក៏បាននិយាយផងដែរថា យន្តហោះទម្លាក់គ្រាប់បែក F-15 ចំនួន ៤គ្រឿង និងយន្តហោះទម្លាក់គ្រាប់បែក A-10 Thunderbolt ចំនួន ៤គ្រឿង បានបំពានដែនអាកាសរបស់ប្រទេសស៊ីរី នៅក្នុងតំបន់ al-Tanf ដែលឆ្លងកាត់ផ្លូវអាកាសអន្តរជាតិរត់ចំនួន ៨ដង នៅថ្ងៃនោះ។

លើសពីនេះ តាមការលើកឡើងរបស់ លោក Oleg Ignasyuk ការបំពានចំនួន ៩ករណី នៃកិច្ចព្រមព្រៀងបន្ធូរបន្ថយជម្លោះថ្ងៃទី៩ ខែធ្នូ ឆ្នាំ ២០១៩ ដែលភ្ជាប់ជាមួយនឹងការហោះហើរដោយយានដ្រូនរបស់ក្រុមចម្រុះដឹកនាំដោយសហរដ្ឋអាមេរិកត្រូវបានរាយការណ៍ នៅក្នុងប្រទេសស៊ីរី ក្នុងរយៈពេល ២៤ម៉ោង កន្លងទៅ។