នៅថ្ងៃចន្ទនេះ ប្រធានាធិបតីអ៊ុយក្រែនលោក Volodymyr Zelenskiy បានធ្វើដំណើរទៅដល់ទីក្រុង Vovchansk ស្ថិតនៅតំបន់ភាគឦសាន Kharkiv ជាកន្លែងដែលកងកម្លាំងរុស្ស៊ី ព្យាយាមរុលចូល ចាប់តាំងពីខែឧសភារហូតមក ។

លោកនិយាយនៅលើបណ្តាញព័ត៌មានសង្គម Xថា ថ្ងៃនេះ ខ្ញុំមានកិត្តិយសខ្លាំងណាស់ បានមកទីនេះ ដើម្បីអបអរសាទរក្រុមអ្នកចម្បាំងកងកម្លាំងពិសេសរបស់ពួកយើង នៅថ្ងៃវិជ្ជាជីវៈរបស់ពួកគេ ហើយនិងប្រគល់រង្វាន់ថ្នាក់រដ្ឋដល់ពួកគេ ។

លោក Zelenskiy បានប្រគល់រង្វាល់ដល់ទាហានដែលប្តេជ្ញាចិត្តថានឹងយកឈ្នះសត្រូវឲ្យខាងតែបាន ។

ទីក្រុងគីវ និយាយនៅថ្ងៃចន្ទនេះថា កងកម្លាំងរុស្ស៊ី ផ្តោតសំខាន់ការវាយប្រហារខ្លាំងក្លាបំផុតរបស់ពួកគេនៅជិតទីក្រុងយុទ្ធសាស្រ្តភាគខាងកើត Pokrovsk របស់អ៊ុយក្រែន ស្របពេលដែលទីក្រុងម៉ូស្គូ កាត់ផ្តាច់ផ្លូវផ្គត់ផ្គង់សំខាន់មួយខ្សែរបស់អ៊ុយក្រែន កាលពីរយៈពេលជាង ២៩ឆ្នាំមុន ចាប់តាំងពីការវាយលុកទ្រង់ទ្រាយពេញលេញរបស់ពួកគេ ចាប់ផ្តើម ។

សូមបញ្ជាក់ថា ទីក្រុង Pokrovsk ដែលជាមជ្ឈមណ្ឌលដឹកជញ្ជូនមានពលរដ្ឋរស់នៅ ៦១.០០០នាក់ មុនពេលសង្រ្គាមផ្ទុះឡើង ស្ថិតនៅលើផ្លូវសំខាន់ដែលបម្រើជាផ្លូវផ្គត់ផ្គង់ដ៏សំខាន់ទៅកាន់ប៉ុស្តិ៍មុខគ្រប់គ្រងដោយអ៊ុយក្រែន ដូចជាទីក្រុង Chasiv Yar និងទីក្រុង Kostiantynivka ស្ថិតក្នុងតំបន់ Donetsk ៕