ប្រទេសកូវ៉ែត បានយល់ព្រមបញ្ជុនជនជាតិអ៊ីរ៉ង់ចំនួន ២២នាក់ ដែលជាប់ពន្ធនាគារ ក្នុងរដ្ឋអារ៉ាប់ ទៅកាន់ប្រទេសកំណើតរបស់ពួកគេ ដើម្បីអនុវត្តទោសជាប់ពន្ធនាគារដែលនៅសល់។

ឯកអគ្គរដ្ឋទូតអ៊ីរ៉ង់ប្រចាំប្រទេសកូវ៉ែតលោក Mohammad Toutoonchi បានធ្វើសេចក្តីប្រកាសនៅក្នុងការបង្ហោះនៅលើប្រព័ន្ធផ្សព្វផ្សាយសង្គម X កាលពីថ្ងៃចន្ទ។

លោកបាននិយាយថា ប្រទេសកូវ៉ែត បានយល់ព្រមធ្វើបត្យាប័ន ហើយការបន្ថែមការតាមដានផ្នែករដ្ឋបាលលើបញ្ហានេះ គឺស្ថិតនៅក្នុងរបៀបវារៈ។

ទីភ្នាក់ងារសារព័ត៌មាន Fars ពាក់កណ្តាលផ្លូវការរបស់អ៊ីរ៉ង់ បានដកស្រង់ប្រភពព័ត៌មានមួយ ដោយនិយាយថា ចំនួនជនជាតិអ៊ីរ៉ង់ដែលត្រូវបានរក្សាទុកនៅក្នុងពន្ធនាគាររបស់ប្រទេសកូវ៉ែតបច្ចុប្បន្ន មានចំនួន ៩០នាក់។

ប្រភពបានបន្ថែមថា ជនជាតិទាំងនោះ ភាគច្រើន ត្រូវបានចាប់ដាក់ពន្ធនាគារពីបទល្មើសពាក់ព័ន្ធនឹងគ្រឿងញៀន និងការរស់នៅខុសច្បាប់។យោងតាមសារព័ត៌មាន Fars ការផ្ទេរអ្នកទោសទាំងនេះ គឺផ្អែកលើកិច្ចព្រមព្រៀងធ្វើបត្យាប័នអ្នកទោសដែលបានចុះហត្ថលេខារវាងអ៊ីរ៉ង់ និងកូវ៉ែតក្នុងឆ្នាំ ២០០៤ និងបានអនុម័តដោយភាគីអ៊ីរ៉ង់ ក្នុងខែកុម្ភៈ ឆ្នាំ ២០០៦។