វិទ្យុ Zet បានរាយការណ៍ថា សហរដ្ឋអាមេរិក កំពុងបញ្ជូនរថពាសដែក និងកាំភ្លើងធំពីមូលដ្ឋានយោធា នៅក្នុងប្រទេសអាល្លឺម៉ង់ ទៅកាន់ប្រទេសប៉ូឡូញ ដែលជាផ្នែកមួយនៃការពង្រឹងផ្នែកខាងកើតរបស់អង្គការណាតូ។

អ្នកឆ្លើយឆ្លងព័ត៌មានរបស់ស្ថានីយវិទ្យុនេះ បាននិយាយថា យោងតាមព័ត៌មានរបស់វិទ្យុនេះ រថក្រោះចំនួន ៨៧គ្រឿង រថពាសដែកប្រយុទ្ធថ្មើរជើងចំនួន ១៥០គ្រឿង និងកាំភ្លើងធំចំនួន ១៨គ្រឿង នឹងត្រូវបានបញ្ជូនទៅកាន់មូលដ្ឋាននៅ Powidz នៅភាគកណ្តាលនៃប្រទេសប៉ូឡូញ។ ផ្លូវនានានៅក្នុងខេត្ត Lubusz និងខេត្ត Greater Poland voivodeships ត្រូវបានធ្វើដំណើរយ៉ាងគគ្រឹកគគ្រេងដោយរថយន្តយោធា។ វិទ្យុ Zet បានសង្កត់ធ្ងន់ថា ការបញ្ជូនគ្រឿងយុទ្ធោបករណ៍ទាំងនេះ ជាផ្នែកនៃប្រតិបត្តិការដែលបានគ្រោងទុក ដើម្បីពង្រឹងផ្នែកខាងកើតរបស់អង្គការណាតូ នឹងមានរយៈពេលរហូតដល់ចុងខែកញ្ញា។

កាសែត Stars and Stripes ដែលជាសារព័ត៌មានរបស់ក្រសួងការពារជាតិសហរដ្ឋអាមេរិក បានរាយការណ៍អំពីការចាប់ផ្តើមប្រតិបត្តិការនេះ កាលពីថ្ងៃទី ២៨ ខែមិថុនា។ ឃ្លាំងស្តុកគ្រឿងយុទ្ធោបករណ៍ និងគ្រាប់រំសេវរបស់សហរដ្ឋអាមេរិកនៅឯមូលដ្ឋានPowidz ដែលការសាងសង់ បានចាប់ផ្តើមនៅរដូវក្តៅ ឆ្នាំ ២០២២ នឹងដំណើរការពេញលេញ នៅឆ្នាំ ២០២៥ ។ ក្រុមទី១នៃរថក្រោះ Abrams M1 ចំនួន ១៤គ្រឿងបានទៅដល់មូលដ្ឋាន Powidz នៅចុងខែមិថុនា។