កំពង់ឆ្នាំង ៖ ប្រាក់ធានារ៉ាប់រងសង្គម ប្រមាណជាង២៨០លានរៀលដែលជាប្រាក់គោលនយោបាយរបស់រាជរដ្ឋាភិបាល ត្រូវបានប្រគល់ជូនដល់គ្រួសារសពនិវត្តជន បាត់បង់សមត្ថភាពការងារ ចំនួន៣៤នាក់ នៅខេត្តកំពង់ឆ្នាំង ដែលពិធីប្រគល់ថវិកានេះត្រូវបានធ្វើឡើងកាលពីរសៀលថ្ងៃទី៣០ ខែកក្កដា ឆ្នាំ២០២៤ នៅមន្ទីរសង្គមកិច្ចអតីតយុទ្ធជននិងយុវនីតិសម្បទាខេត្តកំពង់ឆ្នាំង ក្រោមអធិបតីភាព លោក អម សុភា អភិបាលរងខេត្តកំពង់ឆ្នាំង និងហេង វង្សធិរិទ្ធិ

តំណាងអគ្គនាយកមូលនិធិជាតិជំនួយសង្គម ព្រមទាំងមានការអញ្ជើញចូលរួមពីសំណាក់ លោក ឈាង ចន្ធី ប្រធានមន្ទីរសង្គមកិច្ចអតីតយុទ្ធជន និង យុវនីតិសម្បទាខេត្តកំពង់ឆ្នាំង លោក អ៊ុ សុភា ប្រធានគណកម្មាធិការសមាគមន៍អតីតយុទ្ធជនកម្ពុជា ខេត្តកំពង់ឆ្នាំងផងដែរ៕ កាំង ហុងវាស្នា