ភ្នំពេញ៖ ទីតាំងក្លិបយីហោ ប្លូឆីលី ជាកន្លែងផឹកស៊ីជួបជុំរាំដែលល្មើសនឹងវិធានការក្រសួងសុខាភិបាលជាពិសេស សេចក្ដីជូនដំណឹងសាលារាជធានីភ្នំពេញនិងសាលាខណ្ឌដូនពេញនោះត្រូវបាន លោកសុខ ពេញវុធ អភិបាលនៃគណៈអភិបាលខណ្ឌដូនពេញ ដឹកនាំកម្លាំងចម្រុះចុះបង្ក្រាប់ និងឃាត់ខ្លួនមនុស្សជាង៦០នាក់។
ប្រតិបត្តិការនេះធ្វើឡើងកាលពីវេលាម៉ោង១១:៣០នាទី ថ្ងៃទី ០៣ ខែកញ្ញា ឆ្នាំ ២០២១ នៅចំនុចក្លឹបកំសាន្តយីហោ (ប៊្លឆីលី ) មានទីតាំងស្ថិតតាមបណ្ដោយផ្លូវលេខ១៧៨ ក្នុងសង្កាត់ជ័យជំនះ ខណ្ឌដូនពេញ រាជធានីភ្នំពេញ។
តាមប្រភពព័ត៌មានបានឲ្យដឹងថា ប្រតិបត្តិការណ៍នេះ គឺធ្វេីឡេីងបន្ទាប់ពីកម្លាំងចម្រុះ នៃគណៈបញ្ចាការឯកភាពខណ្ឌដូនពេញ បានធ្វេីការចុះរដ្ឋបាលក្នុងតំបន់មិនរៀបរយ និងល្បាតពិនិត្យមេីលក្នុង ទៅលេីអាជីវកម្ម ហាមឃាត់មួយចំនួយ រួមមាន ក្លឹប កម្សាន្ត KTVរង្គសាល បៀរហ្គាឌិន ហាងម៉ាស្សាកោសជប់ ដែលជាទីតាំងបង្កហានិភ័យខ្ពស់ នៃជំងឺកូវីដ១៩ ស្ថិតក្នុងសង្កាត់ ទាំង១១ក្នុងខណ្ឌដូនពេញ ក៏ ប្រទះឃេីញទីតាំងខាងលេីបានលួចបេីកដំណេីរក្លឹបកម្សាន្ត ទទួលភ្ញៀវចូលផឹកសុី រាំរែក ពពាក់ពពួនគ្នាយ៉ាងច្រេីនកុះករ ដែរល្មេីស និង សេចក្ដីសម្រេចលេខ២៤៩/២១សសរ របស់រដ្ឋបាលរាជធានីភ្នំពេញ ស្ដីពីការដាក់ចេញនូវវិធានការរដ្ឋបាល នៅក្នុងភូមិសាស្ត្ររាជធានីភ្នំពេញ ដើម្បីប្រយុទ្ធ និងទប់ស្កាត់ការឆ្លងរាលដាលនៃជំងឺកូវីដ-១៩ ទេីបកម្លាំងចម្រុះ ធ្វេីការបង្ក្រាប និង ឃាត់ខ្លួនបានមនុស្សប្រុសស្រីសរុប៦០នាក់ ស្រីចំនួន២១ ក្នុងនោះមាន បរទេសចំនួន៣៩នាក់ ដកហូតម៉ូតូចំនួន៨គ្រឿង និង សម្ភារៈមួយចំនួន ។ ក្រោយប្រតិបត្តិការ មនុស្សប្រុសស្រីទាំង៦០នាក់នោះ ត្រូវបានកម្លាំងគណៈបញ្ជាការឯកភាពខណ្ឌដូនពេញ នាំខ្លួនទៅកាន់ វិទ្យាល័យវត្តភ្នំ រងចាំស្អែកព្រឹក ខាងក្រុមគ្រូពេទ្យក្រសួងសុខាភិបាលចុះទៅយកសំណាកតេស្តរកវិជ្ជមានកូវីដ១៩ ចេញលទ្ធផល ទេីបបន្តនិតិវិធីតាមផ្លូវច្បាប់កូវីដ១៩ បន្តទៀត។
បច្ចុប្បន្នទីតាំងក្លិបត្រូវបានបិទអាជីវកម្មជាបណ្ដោះអាសន្ន។ចំណែកម្ចាស់អាជីវកម្មត្រូវបានអាជ្ញាធរមានសមត្ថកិច្ចចាត់ការតាមនីតិវិធី៕ អត្ថបទ៖ កុម្ភះ
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
