ស្វាយរៀង ៖ នាព្រឹកថ្ងៃទី ០៥ ខែ កញ្ញា  ឆ្នាំ ២០២១ ឯកឧត្ដម លី ធុជ សមាជិកគណៈកម្មាធិការ កណ្តាល និង ជាប្រធានក្រុមការងារគណបក្ស ចុះ មូលដ្ឋានក្រុងបាវិតក្នងនាមលោកស្រី កិត្តិ សង្គហ បណ្ឌិត ម៉ែន សំអន សមាជិកាគណ:អចិន្ត្រៃយ៍គណៈកម្មាធិការ កណ្តាល និង ជាប្រធានក្រុមការងារ គណបក្សចុះមូលដ្ឋាន ខេត្តស្វាយរៀង  បានអញ្ជើញជួបសំណេះសំណាល ជាមួយ សមាជិក គណបក្ស សង្កាត់ បាវិត សង្កាត់ បាទី និង សង្កាត់ ប្រាសាទដេីម្បីពង្រឹង ការងារ មូលដ្ឋាន និង ត្រៀម រៀបចំការបោះឆ្នោត ជ្រើសរើស ក្រុម ប្រឹក្សា ឃុំ -សង្កាត់ អាណត្តិ ទី៥ ឆ្នាំ២០២២។ 

ជាមួយ គ្នានេះ ឯកឧត្ដម លី ធុជ ក៏បាននាំយកអំណោយដ៏ថ្លៃថ្លារបស់ សម្តេចអគ្គមហា សេនាបតី តេជោ ហ៊ុន សែន នាយករដ្ឋមន្ត្រី និង សម្តេច កិត្តិ ព្រឹទ្ធបណ្ឌិតចែកជូនតាមខ្នងផ្ទះដល់ប្រជាពលរដ្ឋក្រីក្រចំនួន ១១០ គ្រួសារ ស្ថិតក្នុងសង្កាត់ ទាំងបីក្នុងនោះសង្កាត់ បាវិត ៥០ គ្រួសារ សង្កាត់ បាទី៣០គ្រួសារ និង សង្កាត់ ប្រាសាទ៣០ គ្រួសារ ព្រមទាំងបានចុះ សួរ សុខទុក្ខ និង ឧបត្ថម្ភដល់ប្រជាពលរដ្ឋរងគ្រោះបាក់រលំផ្ទះដោយសារខ្យល់កន្ត្រាក់ ចំនួន២ខ្នងផ្ទះផងដែរ ។ 

ក្នុងឱកាសនោះ ឯកឧត្ដម លី ធុជ បាន ពាំនាំ នូវ សេចក្ដី សាក សួរ សុខទុក្ខពី លោក ស្រី កិត្តិ សង្គហបណ្ឌិត ម៉ែន សំអន ជូនចំពោះសមាជិក ក្រុម ប្រឹក្សាសង្កាត់មេភូមិ និងបងប្អូនប្រជាពលរដ្ឋក្នុងក្រុងបាវិតទាំងមូល ព្រមទាំងបានណែនាំឲ្យសមាជិកគណបក្សតាមសង្កាត់នីមួយៗបន្តពង្រឹង សកម្មភាពគណបក្សនៅតាមមូលដ្ឋាន និង លេីកកម្ពស់ការយកចិត្តទុកដាក់ចំពោះសមាជិកសមាជិកាគណបក្សតាមរយៈការរក្សានូវ ទំនាក់ទំនង ឲ្យ បាន ល្អ និង ជិតស្និតរវាងសមាជិកក្នុងក្រុម ។ 

ឯកឧត្ដមក៏បានជម្រុញឲ្យសមាជិក គណបក្សទាំងអស់ត្រូវត្រៀមឲ្យបានរួចរាល់នូវសកម្មភាពលម្អិតសម្រាប់មុនពេល និង ក្រោយការបោះ ឆ្នោត ជ្រើសរើស ក្រុម ប្រឹក្សា ឃុំ សង្កាត់ អាណត្តិ ទី៥ ខាងមុខនេះដេីម្បីភាពជោគជ័យរបស់គណបក្ស ប្រជាជនកម្ពុជា និង រាជរដ្ឋាភិបាលកម្ពុជា ក្រោមការ ដឹកនាំ របស់ សម្ដេច តេជោ ។ 

ឯកឧត្ដមសមាជិកគណៈកម្មាធិការកណ្តាលគណបក្សបានបញ្ជាក់បន្ថែមថាមានតែគណបក្ស ប្រជាជន កម្ពុជាតែមួយគត់ដែលបានបង្កើត នូវ សុខ សន្តិភាព និង ស្ថិរភាព ពាសពេញ ផ្ទៃ ប្រទេស ជូន ប្រជាជន កម្ពុជា រហូតមកដល់សព្វថ្ងៃនេះ ជាពិសេសតែងតែរស់ន រួមសុខរួមទុក្ខជាមួយ ប្រជាពលរដ្ឋ គ្រប់ កាលៈទេសៈដែ ថ្មីៗនេះ សម្ដេច តេជោបានផ្តល់នូវជីវិតថ្មីទៀតបន្ទាប់ពីរំដោះប្រជាជនចេញពីរបបប្រល័យ ពូជសាសន៍ គឺការសង្រ្គោះអាយុជីវិត របស់ ប្រជាពលរដ្ឋតាមរយៈការខិតខំ ប្រឹងប្រែងរិះរកវ៉ាក់សាំងបង្ការជំងឺកូវីដ -១៩ និង ការជួយជ្រោមជ្រែងដល់សេដ្ឋកិច្ចជាតិក៏ជាសេដ្ឋកិច្ចគ្រួសារ របស់ ប្រជាជន កម្ពុជាដែលកំពុងជួបបញ្ហាដោយសារជំងឺឆ្លង នេះ ។ 

ប្រជាពលរដ្ឋដែល ទទួលបាននូវអំណោយដ៏ថ្លៃថ្លារបស់ សម្ដេច តេជោ ថ្ងៃ នេះ  មាន ភាព សប្បាយ រីករាយ និង ថ្លែង អំណរគុណយ៉ាងជ្រាលជ្រៅបំផុត ជូនថ្នាក់ដឹកនាំសមាជិកសមាជិកាគណបក្ស ប្រជាជន កម្ពុជា ទាំងអស់ ដែល តែងតែ យក ចិត្ត ទុកដាក់ និង ព្រួយ បារម្ភអំពីសុខទុក្ខរបស់ ប្រជាពលរដ្ឋនៅគ្រប់ទីកន្លែង និង គ្រប់ពេលវេលា៕