ក្រុមមន្ត្រីបាននិយាយថា អ្នកពន្លត់អគ្គិភ័យនៅប្រទេសម៉ាសេដូនីខាងជើង (North Macedonia) បានបន្តទប់ទល់នឹងចំហេះព្រៃជាំច្រើនកន្លែងដែលកាន់តែខ្លាំងក្លាដោយសារខ្យល់បក់ខ្លាំងរយៈពេលបីមកនេះថ្ងៃកាលពីថ្ងៃពុធ (៣១ កក្កដា) ហើយសីតុណ្ហភាពក្តៅ និងអាកាសធាតុស្ងួតហួតហែងក៏បានបញ្ឆេះភ្លើងតូចៗនៅទូទាំងប្រទេសក្រិក និងតំបន់បាល់កង់ផងដែរ។

លោក ហ្គោរ៉ាន់ ស្តូចាណូវស្គី (Goran Stojanovski) មកពីមជ្ឈមណ្ឌលគ្រប់គ្រងវិបត្តិនៅម៉ាសេដូនីខាងជើង បាននិយាយថា «ដោយសារតែសីតុណ្ហភាពខ្ពស់ ព្រៃឈើស្ងួត និងដីក្តៅខ្លាំង ធ្វើអោយការងាររបស់យើងកាន់តែលំបាក»។

សាក្សីរបស់សារព័ត៌មានរ៉យទ័របាននិយាយថា ផ្លូវថ្នល់ វាលស្រែ និងលំនៅឋានត្រូវបានគ្របដណ្ដប់ដោយផ្សែងនៅជិតទីក្រុង ស្ទីប (Stip) កណ្តាលចម្ងាយ ១០០គីឡូម៉ែត្រភាគខាងកើតនៃរដ្ឋធានីស្កុបជេ (Skopje) របស់ម៉ាសេដូនីខាងជើង។

ទំហំនៃការខូចខាតទូទាំងប្រទេសនៅមិនច្បាស់លាស់នៅឡើយទេ។ ចំហេះកាលពីដើមសប្តាហ៍នេះបានឆាបឆេះផ្ទះរាប់សិបខ្នង និងបានសម្លាប់បុរសចំណាស់ម្នាក់។ លោក Stojanovski បាននិយាយថា ក្នុងចំណោមចំហេះសកម្មចំនួន ៦៦កន្លែងកាលពីថ្ងៃអង្គារ នៅមានចំហេះ ១២កន្លែងមិនទាន់ត្រូវបានគ្រប់គ្រងនៅឡើយកាលពីថ្ងៃពុធ។ ឧទ្ធម្ភាគចក្រមួយគ្រឿងបានមកពីស៊ែរប៊ី បានទៅជួយទប់ទល់ចំហេះ ខណៈអាល្លឺម៉ង់ និងសាធារណរដ្ឋឆេក បានផ្តល់យន្តហោះដើម្បីជួយជំរុញប្រតិបត្តិការ៕