មន្ត្រីជាន់ខ្ពស់នៃប្រទេសហ្សកដានី និងលុចសំបួ កាលពីថ្ងៃព្រហស្បតិ៍ បានរួមគ្នាជំរុញឲ្យមានបទឈប់បាញ់ជាបន្ទាន់ និងអចិន្ត្រៃយ៍ នៅក្នុងតំបន់ហ្កាហ្សាស្ទ្រីប និងការបន្ថយភាពតានតឹងក្នុងតំបន់ នៅដំណាក់កាលដំបូង។

រដ្ឋមន្ត្រីការបរទេសហ្ស៊កដានី លោក Ayman Safadi និង ឧបនាយករដ្ឋមន្ត្រី និងជារដ្ឋមន្ត្រីក្រសួងការបរទេសលុច និងពាណិជ្ជកម្មក្រៅប្រទេសរបស់លុចសំបួដែលកំពុងបំពេញទស្សនកិច្ច លោក Xavier Bettel បានធ្វើការអំពាវនាវ នៅក្នុងសន្និសីទសារព័ត៌មានរួមគ្នាមួយ បន្ទាប់ពីកិច្ចប្រជុំរបស់ពួកគេ នៅទីក្រុងអាម៉ាន ( Amman)។

លោក Safadi បាននិយាយថា អាទិភាពកំពូលនាពេលបច្ចុប្បន្ននៅមជ្ឈិមបូព៌ាគឺ «ការបញ្ឈប់ការឈ្លានពានរបស់អ៊ីស្រាអែល ការបញ្ចប់គ្រោះមហន្តរាយមនុស្សធម៌ និងការបញ្ឈប់ការកើនឡើងនៃគ្រោះមហន្តរាយ ដែលពួកយើងចាត់ទុកអ៊ីស្រាអែល ជាអ្នកទទួលខុសត្រូវទាំងស្រុង»។

លោក Sadafi បានថ្កោលទោសការធ្វើឃាតប្រធានការិយាល័យនយោបាយក្រុមហាម៉ាស លោក អ៊ីស្មេលហានីយេ (Ismail Haniyeh) ដោយកត់សម្គាល់ថា វានឹងគំរាមកំហែងដល់ការពង្រីកសង្គ្រាមក្នុងតំបន់ និងជះឥទ្ធិពលអវិជ្ជមានដល់សន្តិភាព និងសន្តិសុខក្នុងតំបន់ និងអន្តរជាតិ។