អាជ្ញាធរបានឲ្យដឹងថា បំណាក់ដី នៅភាគនិរតីនៃប្រទេសចិន នាថ្ងៃសៅរ៍ (ទី៣ ខែសីហា) នេះ បានបំផ្លិចបំផ្លាញផ្ទះសម្បែង និងបណ្តាលឲ្យស្ពានផ្លូវហាយវេមួយ បានបាក់រលំ ដោយបានបណ្ដាលឲ្យមនុស្សយ៉ាងហោចណាស់ ២នាក់ ស្លាប់ និងប្រហែល ១៧នាក់ផ្សេងទៀត បាត់ខ្លួន។

ទូរទស្សន៍រដ្ឋ CCTV បានរាយការណ៍ថា «ទឹកហូរធ្លាក់យ៉ាងខ្លាំងពីភ្នំ និងបំណាក់ដី» បានបង្កការខូចខាតយ៉ាងធ្ងន់ធ្ងរដល់ផ្នែកនៃភូមិ Ridi ក្នុងខេត្ត Sichuan។

ហើយទូរទស្សន៍ CCTV បានឲ្យដឹងថា គ្រោះមហន្តរាយនេះ បានសម្លាប់មនុស្ស ២នាក់ និងបាត់ខ្លួន ១២នាក់ ដោយបន្ថែមថា «ស្ថានភាពគ្រោះមហន្តរាយកំពុងស្ថិតក្រោមការផ្ទៀងផ្ទាត់បន្ថែមទៀត»៕

នៅក្នុងសេចក្តីថ្លែងការណ៍ដាច់ដោយឡែកមួយ រដ្ឋបាលក្នុងតំបន់របស់ខេត្ត បានឲ្យដឹងថា «ទឹកហូរខ្លាំងធ្លាក់ពីភ្នំភ្លាមៗ និងបំណាក់ដី» បានបណ្តាលឲ្យស្ពានផ្លូវរូងក្រោមដីមួយបាក់រលំ នៅតាមបណ្តោយផ្លូវហាយវេ រវាងទីក្រុង Kangding និងទីក្រុង Luding៕