អាជ្ញាធរសន្តិសុខតាមអ៊ីនធឺណិត នៅថ្ងៃចន្ទនេះ បានចេញការព្រមានរួមគ្នាមួយប្រឆាំងនឹងក្រុមចោរព័ត៌មានវិទ្យាកូរ៉េខាងជើង ដែលព្យាយាមលួចទិន្នន័យសំណង់ និងគ្រឿងចក្រ នៅក្នុងប្រទេសកូរ៉េខាង   ត្បូង។

សហគមន៍ស៊ើបការណ៍សន្តិសុខតាមអ៊ីនធឺណិតកូរ៉េ (KCIC) ដែលរួមមានភ្នាក់ងារចារកម្ម អយ្យការ នគរបាល និងយោធា បាននិយាយថា ក្រុមចោរព័ត៌មានកូរ៉េខាងជើង បានកំណត់គោលដៅនៃព័ត៌មាននេះ ដើម្បីជួយសាងសង់រោងចក្រ និងអភិវឌ្ឍន៍ទីក្រុងនានា នៅប្រទេសកូរ៉េខាងជើង។

អាជ្ញាធរ បាននិយាយថា ពួកគេ បានបញ្ជាក់ពីការកើនឡើងយ៉ាងខ្លាំងនៅឆ្នាំនេះ នៅក្នុងការប៉ុនប៉ងលួចចូលរបស់កូរ៉េខាងជើង ដើម្បីលួចព័ត៌មានបែបនេះ។

យោងតាមអាជ្ញាធរ ក្រុមចោរព័ត៌មានរបស់កូរ៉េខាងជើង បានប្រើវិធីសាស្ត្រ «វាយប្រហារតាមប្រព័ន្ធកុំព្យូទ័រ» ដែលកំណត់គោលដៅអ្នកប្រើប្រាស់មួយចំនួនធំ ដោយចូលទៅកាន់គេហទំព័រ ដែលពួកគេចូលមើលជាទូទៅ និងលេខកូដសូហ្វែរដើម្បីលួចព័ត៌មាន។

កាលពីខែមុន អាជ្ញាធរសន្តិសុខតាមអ៊ីនធឺណិតរបស់កូរ៉េខាងត្បូង ក៏បានចេញសេចក្តីណែនាំរួមគ្នាជាមួយសមភាគីសហរដ្ឋអាមេរិក និងអង់គ្លេសប្រឆាំងនឹងយុទ្ធនាការចារកម្មតាមអ៊ីនធឺណិតរបស់ប្រទេសកូរ៉េខាងជើងដែលផ្តោតលើព័ត៌មានសម្ងាត់ នៅក្នុងវិស័យការពារជាតិ ដែនអវកាស នុយក្លេអ៊ែរ និងវិស្វកម្ម។