សារព័ត៌មានញូវយ៉កថែមស៍ បានរាយការណ៍ថា យោធាអាមេរិក បានប្រគល់មូលដ្ឋានចុងក្រោយរបស់ខ្លួនក្នុងប្រទេសនីហ្សេ ទៅឲ្យកងកម្លាំងប្រដាប់អាវុធក្នុងស្រុក ដោយបញ្ចប់ការដកទ័ពចេញពីប្រទេសនេះ។

យោងតាមផែនការដំបូង ការដកទ័ពអាមេរិកទាំងស្រុងចេញពីប្រទេសនីហ្សេ នឹងត្រូវបញ្ចប់ត្រឹមថ្ងៃទី ១៥ ខែកញ្ញា។ ទោះជាយ៉ាងណាក៏ដោយ នៅថ្ងៃទី ៥ ខែសីហា យោធាអាមេរិក បានចាកចេញពីមូលដ្ឋានទ័ពអាកាសលេខ ២០១ នៅទីក្រុង Agadez ភាគខាងជើងប្រទេសនីហ្សេ ដោយបានដកអាវុធ និងបច្ចេកវិទ្យាសំខាន់ៗចេញ។ «ពួកគេពីមុនបានចាកចេញពីមូលដ្ឋានទ័ពអាកាសលេខ ១០១ នៅទីក្រុងនីញ៉ាម៉េ      ( Niamey) នៅក្នុងខែកក្កដា។

សារព័ត៌មានញូវយ៉កថែមស៍ បានបន្ថែមថា ទាហានមួយចំនួនតូច នឹងបន្តនៅស្ថានទូតអាមេរិក ក្នុងប្រទេសនីហ្សេ មួយរយៈ ដើម្បីដោះស្រាយបញ្ហារដ្ឋបាល។ យោងតាមសារព័ត៌មាននេះ ការដកទ័ពអាមេរិកចេញពីប្រទេសនីហ្សេ មិនមានភាពវឹកវរដូចការដកទ័ពអាមេរិកចេញពីអាហ្វហ្គានីស្ថាននោះទេ។

កាលពីខែមីនា ប្រទេសនីហ្សេ បានបញ្ចប់កិច្ចព្រមព្រៀងយោធាជាមួយសហរដ្ឋអាមេរិក ដែលមូលដ្ឋានយានដ្រូនរបស់អាមេរិក ត្រូវបានបង្កើតឡើងនៅភាគខាងជើងនៃប្រទេសអាហ្វ្រិកនេះ។ អាជ្ញាធរប្រទេសនីហ្សេ បានបញ្ជាក់ថា កិច្ចព្រមព្រៀងនេះ ត្រូវបានកំណត់ ហើយមិនមែនជាប្រយោជន៍របស់ប្រជាជនទេ។ នៅចុងឆ្នាំ ២០២៣ មានទាហានអាមេរិកប្រហែល ១.១០០នាក់ នៅក្នុងប្រទេសនីហ្សេរីយ៉ា ដែលភាគច្រើននៃពួកគេឈរជើង នៅមូលដ្ឋានក្បែរទីក្រុង Agadez (នៅភាគខាងជើងនៃប្រទេសនេះ)។