​អាមេរិក៖ ចាប់តាំងពី​ត្រូវបាន​គេ​រកឃើញ​ នៅក្នុង​ប្រទេស​កូ​ឡុំ​ប៊ី​កាលពី​ខែមករា​វីរុស​ COVID-19 ប​ម្លែ​ង​ខ្លួន​ថ្មី MU បាន​ឆ្លង​រាលដាល​ដល់​ប្រទេស​ជិត​៤០ ហើយ​បានបង្ហាញ​វត្ត​មាននៅ​រដ្ឋ Hawaii និងរដ្ឋ Alaska។ រហូតមកដល់​ពេលនេះ វីរុស​នេះ​ត្រូវបាន​គេ​រកឃើញ​នៅក្នុង​រដ្ឋ​ចំនួន ៤៩ ដោយមាន​រដ្ឋ Nebraska តែមួយគត់​ដែល​មិនបាន​រកឃើញ​ករណី​ឆ្លង​វីរុស​ប​ម្លែ​ង​ខ្លួន​ថ្មី MU នេះ​។

​មន្ត្រី​សុខាភិបាល​ជឿជាក់ថា វីរុស​ COVID-19 ប​ម្លែ​ង​ខ្លួន​ថ្មី MU នេះ​អាច​ចម្លង​លឿន​ជាងវីរុស​ប​ម្លែ​ង​ខ្លូន​ថ្មី Delta និង​មាន​សមត្ថភាព​ក្នុងការ​ទប់ទល់​នឹង​វ៉ាក់សាំង​។ ​នៅ​សហរដ្ឋអាមេរិក​វីរុស​COVID-19 ប​ម្លែ​ង​ខ្លួន​ថ្មី MU ត្រូវបាន​គេ​រកឃើញ​នៅក្នុង​រដ្ឋ​ចំនួន ៤៩ និងរដ្ឋធានី Washington, D.C នេះ​បើ​យោងតាម​សារព័ត៌មាន Newsweek​។ ​រដ្ឋ California បាន​រាយការណ៍​ពី​ចំនួន​ខ្ពស់បំផុត ​នៃ​វីរុស​ប​ម្លែ​ង​ខ្លួន​ថ្មីចុងក្រោយ​បំផុត​ដែលមាន ៣៨៤ករណី​។ ​ករណី​ឆ្លង​សរុប​ចំនួន ១៦៧ នៃ​ករណី​ឆ្លង​ទាំងនោះត្រូវបាន​រកឃើញ​នៅតំបន់ Los Angeles​។​

​កាលពី​ថ្ងៃទី៣០ ខែសីហា អង្គការ​សុខភាព​ពិភពលោក​បាន​ហៅវីរុស​ប​ម្លែ​ង​ខ្លួន​ថ្មី MU ថា ​ជា​ប្រភេទ​វីរុស​ COVID-19 ប​ម្លែ​ង​ខ្លួន​ថ្មីដែល​ស្ថិតក្នុង​បញ្ជី​យកចិត្តទុកដាក់ ​ដោយសា​រ​តែ​សមត្ថភាព​របស់​វា​អាច​ចម្លង​ខ្លាំង​ជាង​ប្រភេទ​វីរុស COVID-19 ប​ម្លែ​ង​ខ្លួន​ដទៃទៀត​។​ គិត​ត្រឹម​ព្រឹក​ថ្ងៃ​អង្គារ​នេះ សហរដ្ឋអាមេរិកមាន​ករណី​ឆ្លង​វីរុស COVID-19 សរុបចំនួន ៤០,៨៦៥,៧៩៤​នាក់ និង​ស្លាប់ចំនួន ៦៦៦,៥៥៩​នាក់​៕

អត្ថបទ៖ សុខមាន