ប្រធានាធិបតីប្រទេសបូលីវី លោក លូអ៊ីស អាស(Luis Arce) កាលពីថ្ងៃពុធ បាននិយាយថា កងកម្លាំងប្រដាប់អាវុធ ត្រូវឆ្លងកាត់ការកែប្រែស៊ីជម្រៅរួមទាំងការធ្វើបច្ចុប្បន្នភាពគោលការណ៍យោធាថ្មីដើម្បីបង្វែរការប៉ុនប៉ងធ្វើរដ្ឋប្រហារបន្តទៀត។

លោក បាននិយាយនៅក្នុងសុន្ទរកថាក្នុងពីធីរំលឹកខួបលើកទី១៩៩ នៃកងកម្លាំងប្រដាប់អាវុធនៅក្នុងទីក្រុង Trinidad ថា យើងបានសន្និដ្ឋានថា ការពង្រឹងស្ថាប័នកងកម្លាំងប្រដាប់អាវុធ គឺជាការចាំបាច់ ដែលជំរុញឱ្យមានការកែប្រែយ៉ាងស៊ីជម្រៅ ដែលរួមបញ្ចូលទាំងភាពច្បាស់លាស់នៃគោលបំណងស្ថាប័នថ្មី និងសកម្មភាពយុទ្ធសាស្រ្តជាមួយនឹងចក្ខុវិស័យអនាគតក្នុងរយៈពេលខ្លី មធ្យម និងរយៈពេលវែង។ 

កាលពីពេលថ្មីៗនេះ មានភាពបែកបាក់ ឬវិបត្តិប្រឆាំងលទ្ធិប្រជាធិបតេយ្យ ដោយទាហានមានគំនិតមិនល្អមួយចំនួន ត្រូវបានបញ្ចុះបញ្ចូលដោយផលប្រយោជន៍ផ្ទាល់ខ្លួន និងក្រុមអ្នកមានអំណាច។ លោក អាស(Arce) បានបញ្ជាក់ថា ដោយមើលឃើញការពិតទាំងនេះ វាជាការចាំបាច់ក្នុងការស្វែងរកដំណោះស្រាយ ដើម្បីទប់ស្កាត់ឱកាសកើតមានវិបត្តិទាំងនេះ កុំឱ្យកើតឡើងជាថ្មីម្តងទៀត។ 

លោកបាននិយាយថា ការមានប្រាកដនៃដានពីការជ្រៀតជ្រែកពីបរទេស នៅតែជាភស្តុតាង ជាពិសេសនៅក្នុងការបណ្តុះបណ្តាលបុគ្គលិកយោធាមុននិងក្រោយថ្នាក់ឧត្តមសិក្សាក្រោមការណែនាំនៃ«គោលការណ៍សន្តិសុខជាតិគ្មានបទដ្ឋាន» ដែលដាក់លើទ្វីបនេះ ធ្វើឡើងដោយសហរដ្ឋអាមេរិក។

លោកប្រធានាធិបតី បាននិយាយថា គោលដៅគឺដើម្បីឱ្យមានយោធាទំនើប និងមានវិជ្ជាជីវៈ ដោយប្តេជ្ញាចិត្តក្នុងការពង្រឹងលទ្ធិប្រជាធិបតេយ្យ។