ក្រុមអ្នកតវ៉ាប្រឆាំងរាប់ពាន់នាក់ បានដើរតាមផ្លូវក្នុងប្រទេសអង់គ្លេសកាលពីថ្ងៃពុធ ក្នុងការប្រឆាំងនឹងអំពើហិង្សាស្តាំនិយមជ្រុល ដែលបានវាយលុកប្រទេសនេះ ក្នុងសប្តាហ៍ចុងមុននេះ។

បាតុកររហូតដល់ ២៥.000 នាក់ ដោយអ្នកខ្លះស្រែកថា «ការស្អប់មិនមែនជាការស្វាគមន៍ទេ» និង «ស្វាគមន៍ជនភៀសខ្លួននៅទីនេះ» បានប្រមូលផ្តុំគ្នានៅក្នុងទីប្រជុំជននិងទីក្រុងដូចជា Walthamstow, Finchley, Birmingham, Newcastle និង Blackpool ខណៈដែលការប្រមូលផ្តុំស្តាំនិយមជ្រុលជិត ១០០កន្លែង មិនបានសម្រេច។

សារព័ត៌មាន The Independent បានដឹងថា នគរបាល បានរារាំងការតវ៉ាស្តាំនិយមជ្រុលចំនួន ១០០កន្លែង នៅទូទាំងប្រទេស ដែលគំរាមកំហែងដល់សេវាអន្តោប្រវេសន៍ ដោយក្រុមមន្ត្រីរំពឹងថា មានបាតុកម្មប្រឆាំងប្រហែល ៣០កន្លែងនោះ។

ព័ត៌មានលម្អិតនៃការិយាល័យអ្នកជំនាញច្បាប់អន្តោប្រវេសន៍ចំនួន ៣៩ អង្គការសប្បុរសធម៌គាំទ្រសិទ្ធិជ្រកកោន និងសេវាអន្តោប្រវេសន៍ ត្រូវបានផ្សព្វផ្សាយនៅក្នុងបញ្ជីមួយ ដែលបានចែករំលែកនៅលើប្រព័ន្ធផ្សព្វផ្សាយសង្គមរួមជាមួយនឹងការណែនាំ ដើម្បី «ឲ្យចូលរួមការតវ៉ា» និង «ការពារបាតុករ» ក្នុងរយៈពេលប៉ុន្មានថ្ងៃថ្មីៗនេះ។